شرايكم بدخول العريس صالة الفرح

غالية2009

11-12-2022 - 07:19 am

طبعا ً عادات ليلة الزواج تختلف من منطقة لمنطقة ومن دولة لدولة..

<>صباحكم ورد وعسل<>
بصراحة خطر ببالي هالموضوع ..وأتمنى تفاعلكم فيه زي ما عودتوني فمواضيعي السابقة ..
واعذروني ما عرفت اختار عنوان جذاب لأن وقت نومي الحين ..وماكو تركيز ..

طبعا ً عادات ليلة الزواج تختلف من منطقة لمنطقة ومن دولة لدولة..

راح أتكلم عن شي مختلفين عليه الناس عندنا ..وهو دخول العريس صالة الفرح ..بعض الاهل يرفضوا هالشيءيخافوا على ولدهم من الحسد والعين..وبعض الرجال نفسهم يرفضوا لانهم ما يحبون يدخلون مكان كله حريم ..والبعض لا ما يفوت الفرصة يدخل أو أحيانا ً يكون مجاملة للعروس ..
حبيت أشوف كيف هالشيء عندكم ..يعني يدخل العريس الصالة مع العروس من بداية العرس ..أو مثلناتدخل العروس أول شي وفي نهاية العرس يدخل لها عريسها الصالة ..
هل تعتبرون هالشي ضروري عشان يكمل الفرح أو لأ ..؟
و التصوير عندكم شي ضروري يعني تجيبين مصورة أفراح مختصة ..فيديو وديجتال أو أي وحدة من العايلة
تصوركم كم صورة وبس ..؟
لانو البعض يخاف أن الصور فيها اشكال شرعي ..أو ما يثق بالمصورة ..
فهل تطبقين هالشيء على ليلة العمر الي ما تكرر ..؟
ونقطة مهمة ثانية شرايكم بحركات الزوجين الجريئة ع الكوشة ..يعني الاحضان المبالغة والقبلات الحارة ..
وكمان تصويرهم مع بعض لحالهم ..يعني نشوف صور عرسان كانها فغرفة النوم ..تأيدون هالشيء أو لأ؟؟
الموضوع متشعب شوي لكنه مرتبط ببعضه ..ويالله شاركونا بآرائكم وتجاربكم ..
ربي يوفق الجميع ..

التعليقات (9)

رجائي بدعائي

11-12-2022 - 09:38 am

بعطيك العافيه على الموضوع
انا بصراحه ما أيد دخول العريس ولا تصوير المصورات ولا القبلات بين العريسين (احسها خاصه بهم يعني بغرفة النوم وبس)
وبعدين حرام في بنات تاخروا بالزواج وفي مراهقات وفي طفلات مايصح يشوفوا المناظر هذي.
وبالنسبه لتصوير المصورات ماأدري كيف يثقوا بالمصوره ويسلموها صورهم مايخافوا تقوم بنشرها.

إبتسامة حزن

11-12-2022 - 10:39 am

بصراحه
انا احس ان الزفه اهم شيء في الزواج
ولازم يشارك فيها العريس
احسها جو ثاني <<عيب استحي يابنت

( عالم من أختياري )

11-12-2022 - 11:40 am

صراحة دخلت العريس مره ماايدها واصلا مايجوز غير ان الحريم بيطلعون فيه ويخلون العروسة ويطلعون العيوب
اما المصورة احسها لازم لان الصور تبقى طول العمر وهي اللي تحلي الصور وتكون واضحة
اما الحركات مالها داعي في حركات حلوه وفي حركات بلاش منها
وهذا رايء
دمتي بود

السامية السامية

11-12-2022 - 12:41 pm

دخلت العريس حلوة شينةلافضل مايدخل
التصوير بالنسبة لي مهم والافضل مصورة لانها بتضبط الصور اكثر
وحركات الازواج الجريئة مالهل داعي يصبر 10دقايق ويروح بيته ويضمها ويبوسها مثل مايبي
اما صورهم مع بعض حلوة بس ماتكون جريئة مرة
تقبلي مروري
دمتي بحب

ام احلى غلا

11-12-2022 - 01:42 pm

( عالم من أختياري )
راىء من رايك

أم حمودي ولولي

11-12-2022 - 02:43 pm

عني مع دخول العريس
لكن لو هو رافض مااضغط عليه ابداً
مع الحرص على انه بيكون رزة وعاقل مو مخفه خ
والتصوير اكيد لازم مصورة خاصه للفوتوغراف اما الفيديو ممكن اي احد

بسمه زوجي

11-12-2022 - 03:44 pm

بصراحه هوا صح انو حرام يدخل العريس بين حريم
بس احنا في مجتمعنا ماعمري حضرت فرح من غير عريس
عندنا زفه العريس شي اساسي ولازم منه
والتصوير كمان لانه حيكون ذكرى العمر كله
بس القبلات احنا عندنا قبلات بس العريس يبوس جبهة ويد عروسته ماتعتبر قبلات ساخنه
ومن ناحيه انو اطفال يشوفو هادي المناظر ..مستحيل يكون في زواجاتنا اطفال
ويسلمو على الموضوع الحلوو

جذابه لحد الاذابه

11-12-2022 - 04:45 pm

دخول العريس عادي عندي وما فيها اي شي
بس عن نفسي كنت ارفض زوجي يدخل ( لاني كنت خايفه )
والحمدلله هو طلع مايحب يدخل عند النسوان
بالنسبه للتصوير اذا كانت الحركات جريئه
احس انها مالها داعي و ------------------- فهمتوا قصدي

انا كاسك حبيبي

11-12-2022 - 05:46 pm

ياعمري صار كل شي عادي
بالنسبه لي عادي يدخل بووس وكل شي
هياا ليله ياقلبوو
ويسلموو عالموضوع

ابغى حماس←
الي ما فيها صداع تدخل والي فيها صداع تمر مرور الكرام خ بس اهم شي ادخلو→