شرايكم في فيري من دبنهامز

السلام عليكم يا فراشات
قبل فترة رحت الستي سنتر الي عندنا في قطر ودخلت دبنهامز
شفت هالفير وعجبني وهذي صورته
والحلو فيه انه فيه عنده امشوط .. فير عادي وفير مقسم للشعر هذا الي سويت فيه شعري
لفيت شعري كله صار روعة كاني جايبة كوافية .. ماشاء الله علي وخواتي مدحوا لي اياه
بس والله يابنات اني ما اكذب عليكم .. ان صارت ريحة الغرفة حريقة ..
فتحت الغرفة وعطرت غرفتي والغرفة المجاورة .. حلوة
والريحة تمت في شعري .. .. رحت عند المكيف وقعد جدامة ..مسويه فيديو كليب ههه ..علشان تخف الريحة
وبعد صار الي كنت خايفة منه..
رحت اسبح بس الله لايراويكم اول ماانسكب ماي الشاور اشم ريحة حريقة من قلب .. وشعري بده يطيح .. والله عور قلبي اول مرة يطيح كذا قلت خلاص غديتي .. صلعه .. صلعة
حتى ان البالوعة انترست شعر ..صرت اشيل شعري واتحسر .. اشيل بقايا انسان
احسن من الزعل خفيت كيلوين .. يالله كله من قراتي ..
انصحكم لا تشترونه .. ترى ووايد يطيح الشعر ..يمكن انا ماعرفت استخدمة مايندرة ..
والله قلبي يعورني خفت على شعري ووايد وماجاني نوم لين الحين انا صاحيه قلت ادخل واقولكم شصار واكتب لكم النتايج بعد الشاور
. ولا يفوتكم .. اخاف امشطة .. امشطه شوي شوي .. والفرشاه مليانه شعر
غير الي طاح في الحمام ..اعزكم الله ..
ما لميته شعري علشان الريحة تخف .. وشكلي اليوم بروح اشتريلي تريتمت لشعري علشان اعالجة من التعب الي صادة