شعر اختي الصغيره كان اندومي الحين ولا فلبينيه ما شاء الله

1. السلام عليكم ورحمة الله وبركاته

السلام عليكم ورحمة الله وبركاته

عزيزاتي الفراشات زي ما عودتكم ماانزل موضوع ولا اتكلم عنه الا شايفه نتايجه بعيني او متأكده من صحة معلوماته .. والحمدلله شي ما كنا نعرفه من سنين او حتى من امس ومع التجارب والقراءات نصحى الصبح نلاقي حله قدام عيونا وحنا ماندري احيان بالصدفه واحيان بالتجربه واحيان بالعلم ..
الزبده سلمكم الله كنت بعد كل شاور امسح على شعري عشر دقايق بموية الشاهي ( شاي ابو جبل الاحمر ) واغسل شعري والغرض كان بس انو يعطي شعري لمعان بس مع الوقت لاحظت انو شعري صار انعم ومفرود
عاد اختي الصغيره الله يحميها عمرها 13 سنه شعرها متعب ماما كشه لا قالو كشه وكيرلي زي شعر ميريام فارس .. واقترحت على الوالده تمشط لها شعرها بموية الشاهي وتخليه عليها كل صباح لا راحت المدرسه وما يبين بالشعر بالعكس يصير مرتب ووممسوس زين << يعني مفرود .. وما تغسله الا كل شاور عادي بس قبل الشاور برضو اقترحت عليها تخلط موية شاي وموية سدر وموية قهوه
يعني كاس موية حطي فيها ملعقة كبيره مليانه سدر وملعقة كبيره ممسوحه قهوه و ربع ملعقة صغيره عويدي ( مسمار _ قرنفل ) وبعد ماتغلي على النار حطي ملعقة شاي ورجيها بعدين خليها تبرد وصفيها وخذي المويه بس وامشطي فيها شعرك او شعر بنوتك وخليها نص ساعه الى ساعه قبل الشاور
وغسلي شعرك بالشامبو عادي وحطي موية الشاي
اللي ماتبي تحط موية الشاي طول الوقت عادي تحطه قبل النوم والصباح تتروش .. وتراه ما يلبد ولالا شي يختفي بالشعر زي المويه العاديه وفوق ذا كله لمعه بالشعر مو طبيعيه
ما شاء الله تبارك الله بعد شهر واحد بس شعر اختي طايح وسايح وهي شعرها مافيه امل قبل يعني .. اذكروا الله عليها .. زي الصوره بالضبط والشعره تصير قويه وثقيله .. وادعولي الله يحقق لي مااتمناه دنيا واخره