شعر بنتي صار مثل شعر الفلبينيات مع

1. بالبدايه أخذت الخلطه وخلطتها مع مويه ساخنه وغطيتها بعلبه وخليتها يوم


2. كامل ....بعد اليوم روشت بنتي وأستشورت شعرها طبعا قصيته قبل

بسم الله الرحمن الرحيم
هذا أول موضوع لي أكتبه بقسم العنايه بالشعر
اللي شجعني إني أكتب تجربتي للفائده وإن كثير بنات محتاجه
تعرف فائدة هذي الخلطه وأنا كنت منهم
وللأسف مالقيت إلا القلة من البنات اللي ذكروا تجربتهم
بالنسبه لهذي الخلطه
وكنت قبل إستخدامها متردده مره إنها تخرب شعر بنتي
لكن لقيت النتيجه روعه
وأتمنى كل وحده جربة الخلطه تذكر تجربتها للفائده سواءا لقت نتيجه حلوه أو لا ....
طبعا أنا أستخدمت الخلطه هذي ع شعر بنتي عمرها 6 سنوات
ونوعية شعرها ناعم خفيف ويتلفلف (كيرلي) يتلفلف من ورا لكن
من الغره حلو
ويتساقط كثير،فيه تقصف بسيط مره من الحنا والإستشوار لان شعرها
خفيف مره ويتضرر من أقل شئ ولما أستشوره يكون حلو
لكن مع أقل رطوبه الله لا يوريك كدش
وبصراحه تعبت من الإستشوار وماشاء الله شعرها أطول من نص ظهرها
من هنا صرت أدور ع أي خلطه أو زيت يريحني ويحل مشكلة شعرها
جربت زيوت والحمدلله جابت نتيجه حلوه لكنها نسبيه
فكرت بفرد الشعر لكن قلت حرام توها صغيره وشعرها ناعم مو قاسي
شفت بالمنتدى هذي الخلطه وأنها ماتضر شعر الأطفال
وأصغر طفله جربتها عمرها 3 سنوات كلمت المندوبه وسألتها بتفاصيل عن
الخلطه وكنت متردده كثير وقرأت تجارب البنات اللي جربوها
وبعد سنه قررت إني أتوكل على الله وأستخدمها

بالبدايه أخذت الخلطه وخلطتها مع مويه ساخنه وغطيتها بعلبه وخليتها يوم

كامل ....بعد اليوم روشت بنتي وأستشورت شعرها طبعا قصيته قبل

إلى كتفها ...قبل أبدأ بوضع الخلطه قلت (بسم الله الرحمن الرحيم ....بسم الله الذي لايضر مع إسمه شئ بالأرض ولا بالسماء وهو السميع العليم )....حطيت الخلطه على شعرها مثل الحنا أهم شئ تغطي الشعر كامل بالخلطه
لما تأكدت إن الخلطه جفت على شعرها غطيتها ببونيه (غطاء الشعر)
خليتها على شعرها بالضبط 4 ساعات
غسلتها بالمويه لما تأكدت بأن شعرها نظف تماما ...حطيت حمام زيت
مدة ربع ساعه (ماتغسلي الشعر بالشامبو الا اليوم الثاني )
وبعدها شطفت شعرها بالمويه ....نشفته بصراحه ماحسيت إن الخلطه
نشفت شعر بنتي ،ولا تغير لونه كثير شعرها لونه بني غامق
بس لاحظت لمعه ماشاء الله تبارك الله (اذكروا الله جزاكم الله خير)
خيال ...ولونه أغمق شئ بسيط ....
أستشورت شعرها ماشاء الله طلع خيال والله يابنات بنتي نامت
وجلست من نومها ماتغير شعرها صاير مثل شعر الفلبينيات لمعه وشعر حيوي ....كل شوي نازل على وجهها
واللي يشوفها يفكر هذي طبيعة شعرها ...ومومتعب مع الإستشوار أبدا...وحسب كلام المندوبه إني أستشور شعر بنتي بعد أستخدامي للخلطه
مدة شهر بعد كل ترويشه حتى يتمدد وبعدها أستغنى عن الإستشوار للأبد
حاليا مابعد تكمل الشهر... وأي إستفسار بالنسبه للخلطه أنا جاهزه...
والحمدلله أنا راضيه عن المستوى الى وصل له شعر بنتي
وحتى هي مبسوطه وصرت ماأمسكه لها
للعلم يابنات إني أبيع هذي الخلطه لكن قسم بالله ليس هدفي من كتابة الموضوع الربح المادي ...وأنا دائما لما أجرب أي منتج ويعجبني أكتب تجربتي
معه ....وطبعا هذي الخلطه معروفه بالمنتديات
بإسم (كوين هير )
وأتمنى من الجميع ذكر تجربتهم لهذي الخلطه لتعم الفائده
في أمان الله