شعر نار ولا فى الخيال

بسم الله الرحمن الرحيم
السلام عليكم ورحمة الله وبركاتة
قصة قصيرة (مش قصيرة اوى يعنى)
قصة من وافع الحياة والله حقيقة
منقولة عن معذبتين يتمنوا يبقوا قرع ة
بعد مرور ثلاث سنوات من المعاناة والعذاب اتجمعنا تانى علشان نكتب ليكم ونحذركم
من تلت سنين فاتوا عرفنا عن التوم وفوايدة الكتيرة جدا للشعر من اصحابنا وقرايبنا ومن النت ومن الكوافيرات
باختصار الناس كلها عمالة تحكى وتتحاكىعن التوم وجمال الشعر بعد استخدامة
ونعومة الشعر وطول الشعر ويمنع التساقط ويطلع الشعر فى الاماكن الفاضية فى الراس واد اية مفيد للشعر
لاقينة الناس عمالة تحكى كل الناس حتى وصل الموضوع الى اقرب الناس لينا وجربوه
قولنا ما باليد حيلة اشمعنا احنا
وفساعة نحس قررنا القرار المصيرى (نجرب زى خلق الله)
وفى يوم مشؤوم اجتماعنا انا وصاحبتى والتوم
وجبنا 12 راس توم وقشرناها علشان تبقى طازة
وكل واحدة خدت 6 وكنا بنتخانق مين ياخد اكتر من التانى!!!!!!!!!!!
وكان موسم التوم فى اولة ودقيناه وزيادة فى التمعن للافادة حطينا عليه زيت زيتون وضربنا الخليط فى الخلاط
وبمنتهى منتهى السعادة امتد ادينا للتوم
ناخد ونحط وناخد ونحط وناخدونحط
ما انتم مش عارفين كنا بنحط علي اية مش على بتنجانة علشان نخللها لأ كنا بنحط على راسنا علشان نحللها
اقصدى نحرقها
وبعد اول لمسة حطينا على فروة الراس ودعكنا جيدا لاجل الاستفادة القصوى
نار نار ن ا ار
فين؟؟؟؟!
فى راسنا كاننا والله بنحط ماية نار على راسنا
والله والله والله مابنكدب
علامات الالم والعذاب والرعب بدرجاتة
من احمرار الوجه وكتمان الصراخ والتهابات الاذن من مجرد لمس التوم ليها
غير راسنا الله يكون فى العون
احمرار غير عادى التهابات غير طبيعية اخذت تزحف على الراس كلها ثم
سكون للسان من كتر الالم حتى الصراخ الواحدبقى مش قادر
وكان فى نفس اللحظة معانا طفلة رضيعة
من كتر علامات الالم التى ارتسمت على وشنا
فضلت تصرخ وتعيط وجالها حالة هستيرية من البكى بسبب منظرنا المعذب
وبعد قرابة الساعة ونصف بدات النار اللى فى راسنا تهدا تدريجيا
حتى انطفات تماما
وكل العذاب ده واحنا فى انتظار الامل فى شعر جديد جميل
لكن...............
بداية النتائج:-
1- ان فروة الراس مش حاسين بيها زى مايكون جلد الراس مات غير ان اى شدة للشعراية او تحريكها كنا بنحس بالم رهيب
2- جروح بالاذن من الخارج ثم بمقدمة الراس
3- صلع مبكر فى مقدمة الراس
كل ده يهون لكن اهم نتيجة هى اللى مش ممكن تهون؟؟؟؟؟
رائحة غير معروف مصدرها ولامكوناتها
رائحة لاتطاق فوق الراس
فى الوقت ده ما كناش نعرف ايه مصدرها
وبعد مرور الوقت المطلوب وبكل سعادة حان وقت غسيل الشعر وكنا بنتسابق مين يغسل شعرة الاول
حان وقت عذاب غسيل الشعر
2علبة شامبو حجم كبير من منتج مشهور + 2 صابونة معطر جدا من منتج اخر اكثر شهرة +حمام كريم من
نوع غالى جداجدا علبة جديدة اول استخدام ليها
والله كل ده تم استخدامه اثناء غسيل الشعر وخلص تماما
غسلنا شعرنا اكتر من 50 مرة وخلصنا المنتجات السابق ذكرها غير نسريح الشعر اثناء غسله لازالة اى اثار لبقايا الثوم
وبعد كده كل واحد قلبه مطمن انه عمل اللى عليه واكتر الحمد لله خلصنا من الثومة
ولسه الواحد هيرتاح وينام بعد وقوف فى الحمام على رجله اكتر من ثلاث ساعات ونصف بيغسل شعره
اخيرا هنرتا ااح
واذا برائحة غريبة غريبة غريبة بتهل علينا مش عارفين منين؟؟؟؟؟؟!!!!!!!!!!!!!!!!!!!
افتكرنا الجيران بتعمل ملوخية وساعتها اتخنقنا قولت ملوخية وهى قالت لا ثومة معفنة (ديه اول هلة للريحة)
وبعدمرور اكتر من 5 دقايق والرائحة ازدادت عمق واصبحت اكتر انتشارا
ريحة بتنجانة مخللة معفنة
وقرفنا من الجيران وقولنا اية القرف ده احنا هنرجع !!!!!!!!!!!!!!!
واحكمنا اغلاق الشبابيك
لقينا مافيش فايدة ابتدينا ننتبه للواقع المرير (الصاعقة الكبرى)
ان الريحة ديه مش مصدرها الخارج بل مصدرها الداخل واى داخل ده داخل راسنا
واصبح الواقع اكثر مرارا حين اكتشفنا ان كل مالشعر ينشف كل ما الريحة تزداد
حاولنا كل المحاولات ما فيش فا ايدة
كل المحاولات
انعزلنا فى البيت بدون خروج منعا للاحراج وكل يوم تستمر قصة غسيل الشعر من الصبح حتى اذان الفجر
بخلاف ما يتخلل النهار من غسيل دائم ومستمر للشعر بكل المنتجات المعروفة والغير معروفة طبيعية والغير طبيعية قررنا نواجه الواقع ونخرج اصبحنا نتجنب السلام او رؤية احد معارفنا
فى المحلات والاماكن العامة نلاحظ ظهور الرائحة وابتعاد الاخرين بقرف عنا
مع الصيف وحر الصيف العرق تحت الحجاب تخترق الرائحة وتنتشر
وفى الكوفيرات الناس بتبص بمنتهى القرف كنا بنبقى فى نص هدومنا وخصوصا ان دخان السشوار كان بيزيد بكثافة عجيبة مع الثومة وعين الجميع بتدمع
بنقعد كاننا مش احنا لكن معروف على مين يا ماما
استمرينا نعانى يوم ورا يوم اسبوع ورا اسبوع شهر بعد شهر
ومرت سنةعلى الحادث المشؤم قررنا استعمال (ليمون خل برفانات اريال بقدونس..........)
مسبناش حاجة
حتى ان احدانا كانت متزوجة قبل الحادث بسنتين ظن زوجها ان ريحتها كده من الاول
وكانت الاخرى ستعمل بالاعلانات الا ان المخرج شم رائحة شعرها بالرغم من انه كان لسه مغسول
قالها معلشانا كنت مقتنع بيكى بس الريحة دية غريبة انت حاطه ايه فى شعرك
مع العلم انه كان بيتمنى طول عمره انها تشتغل معاه برغم صلة القرابة بينهم
واصبح معروف عننا ان مصدر الريحة شعرنا وتجنبنا المجتمعات واصبحنا نفضل العزلة
واخذنا فى العلاج
ذهبت احدانا لدكتورةامراض جلدية وفىبداية العلاج الدكتورة قالت لها لأ يابنتى انت بيتهيألك
لان الشعر كله بيتغير من البصيلات خلال ستة اشهر وان ما اعانى منه حالة نفسية
الا ان قربت منى قليلا نحو نص متر حتى هلت الريحة الغريبة وساعاتها بس صدقيتنى
واخذنا فى رحلة علاج طويلة ظلت سنين اخرى من استعمال لسيون وشامبو طبى و..........................
ولكن بدون جدوى
اما الاخرى فاخذت تسال كل من تقابله عن الحل وبرضه بدون جدوى
حتى تطوعت احداهم وكانت تعمل بكوافير كبير
وقالتلها ماتقلقيش ساعتها حست بالامل من جديد
لكن كملت كلامها كلها اسبوع والريحة تروح
حلفتلها ان بقالها اكتر من سنتين
هنا بس اتخضت العاملة بالكوافير وارتسمت على وجهها علامات الذهول وانعقد اللسان عن الرد
والان وبعد مرور 3 سنين مازلنا نعانى والله من الريحة المحرجة جدا جدا جدا
غير ان بعض الاماكن فى الشعر اصابها الصلع والصلع استمر فى الزحف نحو اماكن اخرى بمرور الوقت يزداد ولم نجد الحل الى الان
وسر بقاء زوج احدانا هو ان يسافر وبيرجع كام يوم فى الشهر غير كده كان زمانهم انفصله من زمان
ونتمنى دلوقتى ان نحلق قرعة
لكن اللى مخوفنا اناحنا حاسين ان فروة الراس هى مصدر الريحة وان تحتها فى شجرة ثوم منبتة يعنى حتى لو حلقنا ما فيش فايدة.
ديه بجد قصة حقيقية احنا كتبناها علشان نوعظ غيرنا
لاننا بنعانى بنعانى ومش لاقين الحل
بجد الثوم ده عذاب وقرف وما لوش اى فايدة غير تدمير الشعر واللى بيقول غير كده
كد اب كداب
واتحدى كداب
احذروا وما تمشوش ورا كلام الناس ومش اى حاجة تجربوها
وعايزة شعر صحى جديد احلقى شعرك قرعة افضل من انك تجربى الوصفة ديه طبعا
اللهم انى بلغت اللهم فاشهد
ديه قصة نقالتها عن اعز صديقتين ليه وانا نقلتاها للموعظة زى ما هما طلبوا منى لان ديه امانة
وكل واحدة منهم دلوقتى عايشة بعيد عن التانية لكن الريحة مازالت تجمعهم
وانا بنفسى كنت قرفانة من اللى حصلهم لكن صعبوا عليه بجد
انا ياريت فى ايدى اى حل ليهم.
والسلام عليكم ورحمة الله
منقول