شعري صار يطول بعد ماكان مستحيل يطول

1. السلام عليكم ,,,شخباركم بنات


2. الموضوع طويل شوي بس تحملو قليلا

السلام عليكم ,,,شخباركم بنات

هذا الموضوع اللي انا الحين قاعدة اكتبه ماقد كتبته في منتدى ثاني ولا قد قلته لأحد من قبل وربي شاهد على كلامي بس أنتم حبيباتي اللي بقول لكم هذا الكلام بس أتمنى تقولون ماشاءالله وتراها طريقة مره مضمونه ومره ما يحتاج لها جهد ولا كلافة ولا حوسه

الموضوع طويل شوي بس تحملو قليلا

من سنين كان شعري ما يطول وحتى لو طول بيطول لحد حد معين ويوقف ونقصه ونفس الحاله بالموت يطول ولو طول يوقف طوله وانا بصراحه تعبت مليت وأغلب الخلطات اللي هنا في المنتدى جربتها اللي غالي واللي رخيص واللي له ريحه او بدون لكن دون جدوى ...عصبت على شعري لحد ما اهملته وصرت مره ما اهتم فيه حتى التمشيط ما امشطه كل يوم من كثر مو انا زهقانه منه
طبعا أمي شافت حالتي أنا وشعريوكسرت خاطرها,,,أمي ماشاءالله عليها وحده تفكيرها دايما سليم
ايش صارت تسوي أمي؟؟ كل شهر تقص الأطراف طبعا انتم عارفين قص الأطراف يشيل التقصف ويساعد على طول الشعر
بعد ما تقص الأطراف تروح برا في الحوش وتحفر وتدفن الشعر تحت التراب سألتها عن هذا الشئ قالت لي امهاتنا قبل كانو مستحيل يرمون الشعر في الزباله لما يقصونه يا يدفنونه او يحطونه داخل قطع قماش ويرمونها في البر
وكانت تزيت شعري بأي زيت موجود في البيت أحيانا زيت براشوت الأصلي وأحيانا أسوي لشعري حمام زيت بزيت الطبخ العادي او زيت زيتون
ولما نكون جالسين نتقهوى أمي تصب شوي من القهوه بصحن تخليه يبرد وتحط معه شوي محلب مطحون وتمشط فيه شعري واخليه ينشف على شعري ولا كأني حاطه شئ وظليت على هذا الحال أمي معتنيه في شعري ,,,ماشاءالله يدين الامهات فيها بركه فرق عن لما انا اعتني فيه
أي شئ عندك في البيت للشعر استخدميه مو لازم تدورين على زيوت وخلطات سمعتي عنها الجود من الموجود
ايه صح ونسيت أقول لك على اخر شئ لما اجي اغسل شعري أغسله بصابون الغار ..عرفتوه اللي ريحته ليست زكيه..أحيانا أغسل شعري فيه لما أكون حاطه زيوت طبعا هذا مو مهم بس لأنه يغذي الشعر واذا كان شعرك من النوع اللي يتساقط كثير انصحك فيه لأن شعري يتساقط ولما صرت استخدمه خف التساقط ويحسسك ان شعرك فيه نعومه طبعا هو مربع أنتي خوذيه وأبشريه وحطي عليه مويه دافيه خليه كم يوم لحد ما يذوب ويصير لك زي الشامبو وغسلي فيه شعرك
بس بيني وبينكم أحس اهم عامل اللي خلى شعري يطول انها تقصه كل شهر وتتصدق عنه
والحين ماشاءالله...لو سمحتو قولو ماشاءالله خ
صاير يطول يطريقة عجيبه يعني ما يمدي يجي الشهر الجاي إلا وهو طول كثيير وصاير صحي أكثر من قبل
بتسألوني وش دخل الصدقة بالموضوع...طيب أقول لكم الرسول عليه السلام يقول داوو مرضاكم بالصدقة والشعر لما يكون تعبان ومتقصف وحالته حاله بالنسبة لنا مريض يعني محتاج رعايه واهتمام عشان يتحسن
انا كنت قاصة شعري من أسبوعين تقريبا 5 سانتي او ما شابه والحين شعري رجع ال5 سانتي زود شوي ولسا قاعد يطول
ياليت تجربون الطريقة اكيد ماراح تندمون لأن حتى لو شعرك ماطال مع اني ما اظن انه ما يطول بس فرضا لو ماطال بيكون أجرك عند رب العالمين كبير وتتحسب في ميزان حسناتك
يابنات عشان ما احس اني كتبت الموضوع وتعبت عليه على الفاضي مع انه سر من أسرار شعري بس يلا عشانكم تستاهلون أدعولي بالزواج والهدايه وأن الله يطول بعمر أمي ويخليها لي
^_*أحب أمي كثير