شعري قضى

بدون نيم

22-09-2022 - 06:25 pm

يا بنات تكفون ساعدوني انا عروس و شعري قاضي خلاص بكل مكان فراغات و يطيح بشكل مو طبيعي و حالته حاله و ما خليت خلطه و لا زيت الا و صبخته براسي ولا طلعت ولا شعره جديده
ابي شي مضمون .. شي يمصع الشعره من جوا و ينبتها تكفون
و الله يخليكم مابي تاجرات يجون يعرضون لي خلطاتهم و زيوتهم .. ابي وصفات كذا لله في الله لأني صراحه ما ابي اغامر بالشعرتين اللي باقيات برويسي
و الله يساعد كل من يساعدني و يحقق اللي ببالها يا رب

التعليقات (9)

غلا_50

22-09-2022 - 09:44 pm

شوفي حبوبه
جربي خلطة هاجريه كول حلوه
وهي انك تجيبين بصله وفصين ثوم وتقطعينها وتحطي عليها مويه على قد شعرك
وبعدين تحطيها على النار لين تصير المويه صفراء بعدين تصفينها وتحطين اربع ملاعق سدر وفنجان قهوه زيت زيتون وزيه زيت خروع وتحطيها على شعرك وتخليها 8 ساعات بس
وبعد أستخدمي الحناء
وبعد انك تأخذين ثوم وتقطعينه وتحطي عليه زيت جوز الهند الى علبته زرقاء وتخلينه عشر دقايق بعدين تاخذين الثوم وتفركين فيها شعرك
ربي يوفقك
ويتمم لك على خير
وتطلعى احلى عروسه

بنوته واااو

22-09-2022 - 10:45 pm

شوفي يآقلبي
انآ انصحك بزيت آلحيه وربي نتآيجه رهيبه
أخلطيه مع زيت آلخروع وآستعمليه مدة ثلآث سآإعآت يوم ورآ يوم
تطوييل مو طبيعي وبتلآآحظي هآلشي بنفسك مع مرور آلوقت
وركزي على أكل آلفيتآمينآإت زي آلفوآإكه وكذآ
آتمنى آكون آفدتك
سلآآم

بدون نيم

22-09-2022 - 11:46 pm

تسلمون الله يجزاكم خير يا رب

زرقا الرياض

23-09-2022 - 12:47 am

أهلا بك .. الله ييسر لك أمرك
وحده اعرفها صار معها نفس الشي شعرها يطيح بشكل موب طبيعي لين صار بشكل ملحوظ للعالم
اخر شي سوته
جابت حبوب "زيت كبد الحوت" السفن سيز .. هذا بالصيدليه ب 38 ريال
وتاكل حبتين مع الفطور وحبتنين مع العشا <-- هو يقولك حبتين 3 مرات في اليوم
وشرت زيت فاتيكا اللي بالخروع والحنا وجوز الهند .. وصارت تحطه في شعرها قبل تتروش بنص الى ربع ساعه
عقب شهرين بس .. شفناها ماصدقنا .. الفراغات اتعبت والشعر كثر
بس كأني لاحظت شعرها خشن شوي <-- صار أقوى
انا نفس الشي شعري كان يطيح .. وكلت الحبوب لحالها مانفعتني .. الا يوم استخدمت معها الزيت
ماقولك شعري كثر .. لا بس اقولك انو وقف التساقط بنسبة 95%
واغير في نوع الزيت عشان مايخشن شعري
نصيحه مهمه .. حاولي شعرك مايكون مفكوك دايما .. يعني لفيه بطريقه لطيفه + داومي على تقصيص اطرافه

طيش البنات

23-09-2022 - 01:48 am

حبيبتي اناا جربت السدر مع مويه البصل روعه صح انه جفف لي شعري
بس اهم شي عندي وقف التساقط اللي قضى على شعري ..
وان شااء الله البناات يفيدونك بتجاربهم

ايه هين

23-09-2022 - 02:49 am

الله يعين ع هالشعور ..
يوم كنا صغار ولاشعره تطيح لان امهاتنا يعرفون يهتمون فيها ويوم حنا تولينا شعورنا دمرناها
اول شي قلبو لازم اذا كنتي تستخخدمين الاستشوآر آقولك من الحين اتركيه
لانه هو دمار للشعر ، وثاني شي اهتمي بأكلك لان حنا اكلنا كله من برا
مافيه اي فائده للجسم ، حاولي تهتمين بالاكل اكثر شي تقدرين عليه
وشعرك لاتربطينه بقوه اذا صرتي بغرفتك او اي مكان حاولي اكثر شي يكون مربوط ع خفيف
بربطه ناعمه لاتربطينه بالبكلات والشباصات توجع بالراس :(
وانصحك لاتفوتين الحنا مره مره مره مره جنان اتعب وانا اقول جنان
استخدميه بالاسبوع مره واخلطي معه جرجير
مثلا اخذي حزمه جرجير وقطعي اوراقها كلها بعدين حطيها بالخلاط وصبي عليه كاس مويه
واخلطيها بعدها لما تطلعينها من الخلاط حطي عليها حنا وخليها تنقع ساعيتن وحطيها ع شعرك
مره خوقاقيه ...
والثوم حلو حطيه مع زيت وخليه ينقع فيه اسبوع بعدين صفيه واستخدمي الزيت حقه بعد واو
::::
كل الي قلته لك ماتطلع النتايج بين يوم وليله مو معناته تستخدمينها مره وتقولين اوف تعبت
يبيلها مداومه شهرين ثلاثه اربعه الي تقدرين عليه صدقيني بيرجع شعرك احلا من قبل

أنَـآ روُح‘ــہ /~

23-09-2022 - 03:50 am

شوفي انا زيك شعري يتسآقط مره..خآصه من تحت
لي اسبوع استخدم كوبين مويا بصل+وملعقتين سدر+وملعقتين حنا>أنآ مآأحطه مآأحب ريحته+وشوي مسمار مطحون+وعه شوي أي زيت..
اخليها 6 الى 7 ساعات..
والافضل تسوين بعدها حمام زيت
ورحت لوادي النحل..شريت زيت أم آلجدآيل مدحته وحده هينآء بآلمنتدى جزآهآ الله خير
ورحت أشتريته..ب50 ريآل..أحطه على شعري وأفرك فروة آلرآس من 20 دقيقه الى نص ساعه
وأغسل فوطه بمىء حآر وأحطهآ على شعري 4 الى 6 ساعات مره روعه من أول مره حسيت بتغير..>>أنتي رآح
تلقين النشره معه يعلمك الطريقه..
وفيه وحده رأس بنتهآ فيه ثعلبه..وتفرك رآسهآ بثووم كل يوم وطلع شعرهآ ..>>كآتبتهآ هينآ بالمنتدى
وسوء التغذيه هي اللي دمرت شعورنآ..
أن شاء الله اكون أفدتك..

بدون نيم

23-09-2022 - 04:51 am

الله يعطيكم العافيه يا بنات و يكثف شعري و شعوركم يا قادر يا كريم

فرفوشه كول

23-09-2022 - 05:52 am

ياعسل جربي زيت دابر املا الاخضر القديم روعه صراحه يقوي الشعره يخليها سميكه عن تجربه يعني اسبوع زيت دابر واسبوع سدر مع موية البصل والثوم ومره حنا مع الجرجير واي زيت وداومي عليه عن تجربه اختي مفيد

بنات شعري من قدام←
الحقوني مخطوبه وشعري انحرق بالنار ساعدوني→