شعري متقصف ويتساقط وقصير ساعدوني

الجازي فيصل

03-07-2022 - 11:50 am

السلام عليكم يا فراشات
انا توني جديده على المنتدى بس قريت موضوع عن زيت اسمه كوين هير
ويمدحونه المشكله ضيعت ما دري وين قريته ومفكره اني استخدمه
المهم ،، شعري منتهي من الصبغ والميش متقصف ويتساقط بغزاره صاير خفيف !! قالوا لي لاني توني جايبه بيبي لازم شعري يطيح بس صار لي 6 شهور من مربيه ولين اللحين على حاله..
ابي شي يمنع التساقط ويكثف شعري وبعد في شي ما يطول تمر سنين هو على حاله يطول شي بسيط،، فكرت استخدم هذا الزيت اللي اسمه (كوين هير) الي مجربته تنورني وتقولي من وين اقدر اشتريه واذا في شي غير ينعم الشعر ويطوله اتقولي لاني تعقدت من شعري وزوجي ايحب الشعر الطويل

التعليقات (3)

الدانه 2006

03-07-2022 - 03:27 pm

والله ماعندي فكره عن الزيت لكن جربي زيت النارجين او املا
لأنه صار لي نفس الشي واعطتني الدكتوره فيتامينات من ضمنها الحديد مع الزنك والخميره والكالسيوم لأن نقصها يؤثر على الشعر ويسبب تساقط فضيع
يمكن ناقصك فيتامينات بسبب الولاده والتغذيه الغير جيده
وكمان وقفي الصبغات ضروري اقل شي سنه

الجازي فيصل

03-07-2022 - 04:28 pm

تسلمين حبيبتي الدانه وانشالله اجرب زيت من الزيوت

قاتلة مأجورة

03-07-2022 - 05:29 pm

جربي عصير البصل الطازج
دلكي بيه شعرك يبقى الشعر الميت يطيح مع الحمام وبعد اسبوعين يريح التقصف ويلمع شعرك
لمدة ساعة مع ربطه بقبعة بلاستيك

يا بنات لحقوا علية تورطت ورطة مو هينة وما ادري ويش أسوي←
اي فراشه عنها معلومات على صبغات الشعر بليز لاتبخل على بنصيحة→