شلون امشي بزفتي تعالوا اقولم كيف

1. حلاته توصلين وتقعدين وتظبطين قعدتج ولا الحين زفتج ماشيه


2. اهمشي هذا انتبهي لزفتج وظبطي سرعة مشيتج عليها

مساء الخير للعرايس ,,,,,,, وعقبالي وعقبال بنات المنتدى المهم وانا اقلب على المنتديات شدني موضوع بنت كاتبتة وحبيت انقلة لكم
(البنت كان سؤالها ( شلون امشي بزفتي !! )
البنات ماقصروا جابولها كذا رأي ,,,,,,,,,,,,,
اول شي لازم تسمين و تذكرين الله اول ماتدشين الصاله و امشي بركاده و اصلا النفنوف خصوصا اذا كان كبير و ثقيل راح يتحكم بمشيتج
امشي هدا هدا عشان التصوير بعد الله يعينج عالمصورة بتنشب فيج شوفي هني و اوقفي هني و طالعي هني
راح تمشين شوي و توقفين شوي
ابتسمي بذرابه في بعض العرايس الله يهداهم تشق الكشرة حيل صف اللولو كله يبين واهي تضحك و تأشر حق اللي قاعدين هاي و باي مو ناقص الا تروح تبسط معاهم
لبسي بدلة عرسج و الكعب مال العرس و شغلي اغنية زفتج و تدربي على المشية
و امشيي حبة حبة و بكل دلع و ابتسمي ابتسامة رقيقة مو دفاشة و طرفعي راسج و فردي ظهرج>>> نصيحة خلج مبتسمة بزفتج لانه في عرايس على بو انها مستحية تدش و هي عاقدة النونة و منزلة راسهاو عيونها بالارض جنها مسوية شي غلط الصراحة شكلها يكون مو حلو لا بالتصوير و لا جدام الناس
و طالعي الصالة ككل لا تركزين على شي معين
و بالتوفيق و انشالله تطلعين احلى عروس
اقتباس(: بعض العرايس الله يهداهم تشق الكشرة حيل صف اللولو كله يبين واهي تضحك و تأشر حق اللي قاعدين هاي و باي مو ناقص الا تروح تبسط معاهم )
ههه ههه
صج اي والله شكلها يكون يضحك جنها مو مصدقه ههه
شوفي صراحه انا ماحب البنات حوالين العروس وايد ويعدلون نفنوفها وذيلخها كللشوي
احس يخربون الجو وايد !!
فأحسن شي اخذي نفنوف حده حده يحوش القاع ومن ورا ذيله ثقيل يمشي معاج
واذا اخذتي نفنوفج وخلصتي وكان طويل من جدام ويسحل لي داخل
وانتي تمشي حاولي ترفسين مقدمه النفنوف
عشان مايسحل لي داخل ,,, مو حلوه كلشوي بنيه معدله
وامشي بهدوء خطوتين واوقفي عشان تصورج المصوره <<اهي اساسا بروحها راح تنشب لج ههه
وابتسمي بهدوء حق الكاميرا وبخجل *_*
ولمن تخلص شوفي امج خالاتج الي حواليج وابتسمي لهم
ولمن تمشين بالنص حلو تفرين شوي لي ورا تاخذ لج صور لى زاويه وانتي لافه لي ورا
من الصوبين
عشان تحللين النفنوف يشوفونه الي قاعدين يسار والي قاعدين يمين ^_^
كلش لا تقعدين تخزين المسكه ولاتشوفين القاع بالمره رفعي راسج مالج شغل بنفسج حلوه ماعليج وقمر ^_^
شوفي الناس وامج والكوشه
امج اكيد بتكون جدامج انشالله وخالتج وحمواتج اكيد بيوقفون يم الكوشه شوفيهم وابتسمي
خلي عيونج سيدا وراسج فوق
مو علبو لابسه كعب كلشوي تشوفين القاع !!!
اييج شعور لا ارادي تشوفين القاع !! عشان لا تطيحين ؟؟
بس ترى الشعور انذار خاطئ ^_^
قومي لبسي كعبج وامشي وعيونج فوق وسيدا وشوفي شلون تكونين متحكمه بالمشيه ومتوازنه اكثر من وانتي تشوفين القاع
ام وبعد شنو
اي
ومو كلشوي معدله اسوارتج ولا تتعبثين بالطرحه ولا تعدلين المسكه وتفرينها ولا تفركين اصبعج وادينج
ترى كلشي يبن للجمهور ههه
لا خلج صنم تراج حلوه من دشيتي بس ابتسامه حلوه وخجوله كافي
ا وبعد راقبي انفاسج
ترى وايد يبين نفس العروس لمن تتنهد عالي
ههه جنها ملت ,,,, ولمن تتنفس صدرها يطفح وايد ما تنتبه له ههه<< سوالف يهال يراقبون هالشغلات ,,, اتغشمر معاج
من البدايه تنهدي واخذي نفس عميق ولمن تمشين تنفسي شوي شوي وبانتظام عشان لا تختنقين ههه
واقولج..... دشتج انشالله الي بتحطينها اغنيه ولا شعر ,, المهم حطيها مليون مره وتدربي عليها
شوفي متى يوقف متى ياخذ نفس متى موسيقى متى متى
عشان عليها تقررين حركاتج احلى
وعشان تظبطين مشيتج وسرعتها على الاغنيه
وايد عرايس تخلص اغنيه زفتها واهي لا الحين بنص الصاله وتبدا اغنيه نقازيه موشي

حلاته توصلين وتقعدين وتظبطين قعدتج ولا الحين زفتج ماشيه

اهمشي هذا انتبهي لزفتج وظبطي سرعة مشيتج عليها

لا لا لا لا كلش مو حلوة حركة الرفسة مالت النفنوف كلش كلش يطلع شكلها مو شي انا الصراحة مرة رحت عرس العروس قاعدة ترفس نفنوفها الصراحة قمت اضحك جنها قاعدة تكش قطو حدر ريولها ,شدعوة ما تبي تهد المسكة و لا تحرك ايدها خو زفة مو استعراض عسكري اهو
انا اقول انها تعدل بدلتها بايدها عادي ما فيها شي بالعكس واييد اذرب و احلى يصير شكلها جنها نانسي عجرم بكليب مافيي عيش الا معك لماكانت عروس
امشي خطوه خطوه امشي مشي <<<<<<<<<<<<<<< الصراحه خوش شرح لول
اهم شي شدي ظهرج ورفعي راسج خليج شامخه ومفتخره بنفسج وطالعي جدام وخلي بالج مع المصوره لا تلتفتين للحضور لانهم بيربكونج تخيلي القاعه فاضيه تخيلي نفسج اميرة الحفله انتي وبس انتي اهم شخص بالحفله
واهم شي ادعي قبل لا تدخلين تحصني من العين حبيبتي لا تنسين والله يوفقج
امشي شوي شي وابتسمي مو تصيرين نفس وحده اعرفها اول ما دشت وقفت تنحت خلصت الاغنيه واهيه بربع الصاله امبيه . وخلي نفنوفج على قياسج عدل لا تخلينه طويل وتتوهقيين وموفقه اهم شي سمي بالرحمن قبل لا تدخلين عشان يحفظج ويبارك لج بكل خطوة
ذكري الله وسمي واقريلج جم ايه وامشي خطووه ووقفي وبعدها خطوتيين وهم وقفي يعني خطوه توقفين وبعدها خطوتين وتوقفين وابتسمي بنعومه ودلع تدلعي بالتصويير وعاادي طالعي مره يمين ومره يسار مع ابتساامه وامشي لي الكووشه ومع الاغنيه يعني بمجرد ماتقعدين تخلص الاغنية اوكي والله يوفقج ولاتحاتين وتفكرين عاادي انا مشيتي كانت سهلات وسوي بروفه بالبيت] علشان ماتتكرفسين وطيحين اهم شي لا تخلين اهلج كل شوي يعدلون نفنوفج حلاة العروس تمشي ومحد يمها
والله يوفقج تدربي بالكعب الي تلبسينه قبل العرس بكم يوم ( بس اتوقع لما تدخلين الصاله بتنسين كل شي من الخرعه)

• **
• **

أتمنى من موضوعي أن ينال على أعجابكم ^____^ وأنا مانقلتة لكم إلا عشان تستفيدوا منة وتدعولي