شوربة ل رمضان روعه ولذيذة بالصور

السلام عليكم
حابة ابدأ معكم بأول وصفة واشارككم بقسمكم الرائع
الشوربة كثير لذيذة وحلوة وسهله مره,,
وهي شورة الكورن او الذرة
المقادير
1 مغلف شوربة خلاصة الدجاج من ماجي ( صورته بالاسفل )
1 علبة ذرة حلوة + 1 علبة كريمة الذرة ( صورته بالاسفل )
1 بصلة صغيرة مفرومة
1 صدر دجاج مقطع مكعبات صغيرة
ملح وفلفل اسود
للطريقة الصينية نحتاج زياده ملعقتين نشا ذرة + نص كوب موية + بيضة
الطريقة:
نسخن موية على النار ونحط عليها مغلف ماجي ,,المهم الموية ماتكون تغلي علشان شوربة خلاصة
الدجاج ما تتكتل ,,
هذا هو المغلف حق الشوربة
وهذي الذرة بنوعينها
اول ماتبدا بالغليان نضيف علبة الذرة الحلوة وعلبة كريمة الذرة ونخليهم يغلوا سوا ,,
بهالوقت نحمس البصل والدجاج سوا لين يستوي الدجاج < ماياخذ وقت بس دقايق بسيطة
بعدين نضيف الدجاج والبصل للشوربة ونخليهم يغلوا شوي وبعدها نخفف النار ونخليهم ثلث او نص ساعة علشان ينطبخوا سوا
اخر شي نضيف الملح والفلفل الاسود ,,
وهذا شكلها النهائي
بالنسبة للطرية الصينية
اخر شي بعد ماينطبخوا كلهم .. نضيف ملعقتين نشا ذرة تكون مذابة بنص كوب موية دافيه
وطبعا ننتظر لين تصير الشوربة كثيفة بقوامها ,,تقريبا عشر دقايق
وقبل التقديم نضيف للشوربة بياض بيضة وحده ونخلطة بسرعة في الشوربة علشان يصير مثل الخيوط
بالهنا والعافية
والموضوع غير منقول , هذا موضوعي حبيت اشارككم فيه من منتدى ثاني
ويشرفني اكون عضوة فعالة معكم