شوروا علي حبيباتي تفكيري صح

Dimond powder

22-11-2022 - 01:27 am

فرحني كلامها بس منين افتح المشغل يا حسرة ..

السلام عليكم ورحمة الله وبركاته
عزيزاتي فراشات منتدانا الرائع ... ما ابي اطول عليكم .. بس حبيت استشيركم في موضوع يهمني كثير .. قلت ما لي الا خواتي الحلوات ..
ربي وله الحمد : اعطاني موهبة تصميم الازياء .. ودائما اصمم لنفسي وخواتي وحمواتي .. والكل صراحة يسال وين مخيطين واسم المصممة الي تعاملون معها .. ولما اقولهم انها من ابداعاتي .. ما يصدقون وييزعلون ...
خواتي وصديقاتي يستغربون مني لاني ما حاولت استفيد من موهبتي ..وخصوصا اني غير موظفة ..
قبل يومين رحت مشغل مشهور عشان اخيط فستان سهرة من تصميمي .. وصراحة انبهرت المصممة الي عندهم وقالت : مدام :هذا موديل انتي سوي .. فانتاستك . . يعني رائع.. ليش ما يفتح مشغل ..

فرحني كلامها بس منين افتح المشغل يا حسرة ..

فكرت . .وقلت ليش ما احاول استفيد من موهبتي في زيادة دخلي وفي نفس الوقت تسفيد منها من تبحث عن موديل مميز غي ر مكرر؟؟
قلت : اشاور الفراشات الحلوات : لو ابيع تصميماتي لاي مهتمة بهذا الموضوع من صاحبة مشغل او مصممة اوباحثة عن موديلات حلوة ومبتكرة وسهلة التنفيذ:وبذلك استفيد مادياوانا قاعدة في بيتي ... وافيد غيري كذلك ونقضي على طمع المصممات الي ياخذون مبالغ بالهبل على تصاميم مكررة واغلبها مستوحى من الكاتالوجات المنتشرة ...
شوروا علي حبيباتي تفكيري صح ؟
والي مهتمة او ودها تتعاون معاي ترد على الموضوع او على الاقل ترفعه ..
واقبلوا صادق دعواتي للجميع بالتوفيق ..

التعليقات (9)

منيره الاموره

22-11-2022 - 04:38 am

والله تفكيرك صح ومو عيب هاذي موهبه ولازم تنميها

ريفان2008

22-11-2022 - 05:39 am

تفكيرك في محله .........
ممكن تسوين ملحق في بيتك وتجيبين خياطات....
أنا أعرف وحده كذا ماشاء الله ادخل بالهبل ...

كل الالوان

22-11-2022 - 06:40 am

تفكيرك سليم ميه في الميه واذا انتي واثقه من تصميمك ليش لا حبيبتي

هات العلم

22-11-2022 - 07:41 am

فكرتك حلوة هذي موهبة حلو انك تنميها وتستفيدين

''ام السوري''

22-11-2022 - 08:42 am

تفكيرك صح استفيدي وافيدي غيرك

,, الشهد ,,

22-11-2022 - 09:43 am

,, فكره مميزة ..
ربي يبارك لك
ويزيدك من نعمة
..الفن نعمة وتميزك عن غيرك ..
.. أستخيري ..
وتوكلي على الله ..

دوده هانم

22-11-2022 - 10:44 am

تفكيرك ميه الميه
ودام انك ماشاء الله مبدعه لا تدفنين مواهبك <<< زيها ترى تروح مع الزمن
وانا اول وحده حاابه اتعامل معك
موفقه

crystal2000

22-11-2022 - 11:45 am

تفكيرك سليم .. بس لا تبيعيه للمصممات اللي في المشاغل
لأنهم راح يبيعوه على أنه من تصاميمهم بسعر خيالي ..
لكن ممكن تتعاوني مع مشغل تقولي لهم إذا في زبونة تبغى تصميم خاص قولوا لي و لكم نسبة مثلاً و ينعرف مشغلكم أكثر بسبب تصاميمي .. و تكونوا أستفدتم أنتم و أنا..
عشان الحقوق الفكرية ..
و كمان فكرة الأخت ريفان 2008 حلوة مرة .. و تكوني وفرت قيمة المشغل

!. آتعبـטּـيے وفاآآـيے.!

22-11-2022 - 12:46 pm

تفيكيرك صح ياقلبي
وربي يوفقك

ضروري ادخلو←
حابه تكشخي اتفضلي شوفي→