شوفوا الي قاهرني

فراشة مدرعمه

18-01-2022 - 07:04 pm

===>>> موصله حدها

بس هذا قدري وهذا نصيبي

اهلينات لكلبو المتزوجات ...
اخبااركم ياحلووين ...
ترى الي عندي مو مشكله ولاشي مجرد فضفضه بس وترى الغربه والفضاوة لها دور كبير
<<<<< يعني ياويل الي بتدخل تكتبلي احمدي ربك وتجلس تنصح وتنخبق قلناا مجرد فضفضه واللهم لك الحمد والشكر حتى ترضى ...
شوفوا الي قاهرني ... انا ياحلوين ولله الحمد من عائله جدا راقيه من الشرقيه .. ربي مغنينا ولله الحمد .. يعني متعوده سفريات روحات جيات .....الخ
خاصة اني البنت الوحيده ودلوعة اهلها ...مااطول عليكم السولافه ومافيها
اني تزوجت قبل ستة شهور تقريبا ورحت بعيد عن اهلي
تزوجت ضابط ورحت قريه من قرى المملكه جعلهاا تحترق بس بدوون اهلهاا حراام

===>>> موصله حدها

يعني رحت للغربه والوحشه والطفش والملل والكآآآآآآآآبه برجولي طبعاا كنت عارفه مكان السكن وافقت من قرادة حظي والله والله يابنات اني اجلس ساعاات طويله ابكي اقول وشلون وافقت وليه وش حادني وكذاا ... والله كانو يجوني خطاب كثير ومافي مناسبه مايسالون عني ...

بس هذا قدري وهذا نصيبي

حتى اهلي والله مااكلمهم الا اجلس اصيح اشتاق لهم احبهم احب صوتهم شقاوة اخواني الصغار كل شي فقدته السعاده الفرح الراحه الطمانينه ..... <<<<< وين البنات الي منهبلين يبغوون الزواج والله غلطانات ولاعندهم سالفه وه بس ياحلوو اياامي ودلالي اول
الموهم ياحلوين نكمل فضفضه ..
طبعا بنفس القريه اهل زوجي .. بس ماحبيتهم ماحبيتهم ابدن
ياثقل الروحه لهم وعندي زوج ناشب لي روحي لهم اجلسي تعشي طيب غصب والله مااعرفلهم ..
تخيلو عرروس جديده جاايه كاشخه فرحانه <<<< يعشونها نواشف (( زيتون ومربى .... ))
تخيلو اجلس احيانا ساعات لوحدي مع امه( كبيره بالسن ) ولاوحده من خواته تتواضع وتجلس معاي
تخيلو اجيهم كاشخه كعب وفستان ودلع يجلسوني عالارض وكراث وحب وخرابيطهم
عندهم طفش ملل الى ابعد حد ..
تخيلو لي سته شهور ولامره شفت عندهم احد والا عازمين احد ناس انطوائيين مره
انا يابنات متكلفه مره بتجهيزي شنط ماركات ... فساتين فخمه ... و و و ...الخ
مو من المهر بس ابوي الله يطول بعمره زاد عليه دبلات .. مافي شي بنفسي ماشريته ..
بس والنهاايه .. حموله قراوى مايفهمون
والله حرام التعب والتجهيز والخساير عليهم ..
زواجي كان باحلى قاعه بالخبر الكل تكلم فيه بس والله مايستاهلون ماجت الساعه 11 بالليل الا هم طالعين ماقلت لكم مايفهمون
ماادري وش اقوول وش اعبر بس بجد مصدوومه من اهله ومااعرف اتعامل معاهم ولااحبهم ابدن هما صح اكبر مني خواته بس مو مرة لدرجه يحقروني كذا ..
المشكله الكبيرة ان زوجي متعلق باهله مره وبس يسولف عنهم ويوديني لهم ..
ايش هالطفش ياربي صبرني .. والله هذي القريه راح تدفن كل حاجة حلووة بحياتي
صايره طول وقتي بس اكل وقدام التلفزيون كل شي كان حلوو بحيااتي كرهته خلاص
حتى حاسه وزني راح يزيد مافي روحه ولاطلعه ولااشوف احد بس اهله وبحكم دوامه وشغله ماايوديني اهلي بس مرتين من تزوجت
شوفوا انا علاقتي مع زوجي مافيها مشاكل الحمدالله مبسوطه بس الوضع مطفشني مره
==== لاتقولو احمدي ربك الحمد الله مليون مره بس طفشت
يارب صبرني ,,,,, على بلواي ..

التعليقات (9)

فراشة غيـر

18-01-2022 - 10:04 pm

ههه
ياحياتي انتي تصدقين ودي اجيك وابوسك<<لاتفهموم غلط..بوسه بريئه
قلبي اذا مرتاحه مع زوجك هذا اهم شي ’’واهله زوريهم لاتقطعينهم,,اكشخي وماعليك منهم لاتحسسينهم انك متملله من الوضع
خليك رايقه
وفليها وانا اختك مو معناته الوحده تتزوج خلاص تكبر وتصير ثقل ومدري ايش لا
بالعكس’’
زوي اهلك اطلعي سافري تسوقي كوني علاقات مع جيرانك والله يسعدك

فراشة مدرعمه

18-01-2022 - 11:05 pm

ايه حبيت اوضح ان هذي العضويه مو تبعي كانت لوحده من صحباتي تزوجت وتركت النت ,,,,
الله يسعدهاا ويهنيهاا يارب ...

فراشة مدرعمه

19-01-2022 - 12:06 am

فراشه غير >>>>> فيس يهاوش
خير تضحكين وبتبوسيني ها <<<<< والله حتى انا ضحكت لضحكك ههه
حسيت اني رحمتني تهي
واصير رايقه مستحيل اقوولك وضعهم ممل لابعد درجه تقولين فليها ...
وبعدين زوجي يبغاني اروح لهم كثير ..

~وتين الورد~

19-01-2022 - 01:07 am

والله ياقلبي حاسه فيك
انتي مثلي بس بطريقه تانيه
انا ناس كشخه وهيك بس اهل ابوي عكسنا وربي ما اروح لهم بسبب جهلهم وتخلفهم
ولا اروح عشان ابوي وامي
والله اذا رحت اقول يااربي متى تنتهي العزيمه واطلع
والله اني ادعي ربي ما اخذ ناس كذا اعرف نفسي ما اتحمل الله يستر بس
الله يكون في عونك
وحلو ان زوجك ماعنده مانع يخليك تروحين لاهلك
بس حاولي فيه يتقل للمدينه
او انكم تسافرون بالاجازه شهر تغيرون جو وترتاح نفسيتك

ميرلدا

19-01-2022 - 02:08 am

حزنتينى واللة تخيلت نفسي مكانك يعنى لو بمدينه
ممكن لكن قرية حتى وسائل ترفية مافي
بالذات الى متعود على خرجات وروحات
بس دامك مبسوطة مع زوجك ومرتاحة معة وهذا الاهم
حاولى تشغلى نفسك بشى مفيد ومسلى تعرفى على جيرانك
او ممكن تدرسى او تشتغلى واتسلى
على النت كذا بتقضى وقت ممتع
ان شاء الله
اما اهلة والله مدى وش اقولك فعلا صعب التكيف مع طبقة غير طبقتك
خلك عادية ورسمية معهم
وخصص يوم بالاسبوع لهم
استغلى الاجازات وسافرى لااهلك او روحى غيرو جو انتى وزوجك فى احدى المدن
ان شاء الله انى قدرت افيدك او افك ضيقتك
والله يوفقك يارب

غلاءروحي

19-01-2022 - 03:09 am

معاليش بس انتي معقولة ماعرفتي من اول طبعهم على الاقل استعديتي هذا طبعهم خلاص لاترتبطي بيهم اذا شفتي خواته يحاولون يتعلمون منك شئ او كذا ساعديهم لانه واظح وبقوة بيئتك غير بيئتهم حتى التفكير غير وصعبه الواحد يرجع للخلف لان طبعم على قد اللي عاشوه وظروفهم خلاص دامك عندك نت مالك غيره وتواصلي مع اهلك وصحباتك بالنت وبين فتره وفتره زوري اهلك وغير جو مع اهلك وصحباتك ..
او تعرفي على جيران اذا ماقدرتي الله يعينك وان شاءالله لماتحملي يظيع وقتك مع اطفالك لانه الواحد طفش يعيش بيئية غير وبقوة عنه ملل الله يسرمورك وبس ..

شوكولاين جدة

19-01-2022 - 04:10 am

حبيبيتي انا اتوقع انك اننتي كنت عارفة هادا كله قبلالزواج عن زوجك ، انهم قرويين و عايشين بقرية ، فارضي بحالك ، و ان كان على الطفش حاولي تشغلي نفسك ، يعني كوني علاقات مع جاراتك ، اذا هناك في معهد اشتركي و خدي دورة ، لا تقعدي فاضية

Lolol25

19-01-2022 - 05:11 am

موضوعك ذكرني بزميلة كانت مرة تحكيني كيف تم زواجها من زوجها واللي لفت نظري في حكايتها انها قالتلي لما جو أهل زوجها يخطبوها وبعد ما تمت الموافقة المبدئية تاني يوم لازم يروحو يعملو زيارة لأهل العريس حتى يعرفو كيف مستواهم المعيشي وكيف ظروفهم وهيك اشياء وهادي الأمر ضروري عندهم على حد قولها
بس فعلا الموضوع هادا جدا اساسي في اختيار الزوج احنا ما نحقر احدا كل الناس خير وبركة بس اختلاف المستوى المعيشي بين الزوج والزوجة ممكن يسبب مشاكل كثيرة خصوصا بأول الزواج
وغير كدا البيئة اللي عاش فيها الزوج بتأثر على تصرفاته وسلوكه في البيت اللي من الممكن انو يؤدي للنفور بين الزوج والزوجة
يمكن انا بنغفل عن هادا الجانب بس فعلا المستوى المعيشي ما بين الزوج والزوجة الو تأثير كبير

((وردة وردية))

19-01-2022 - 06:12 am

معقولة 6 شهور وما رحتي بيت ابوك الا مرتين؟؟
الله يكون بالعون

هام قصة واقعيه لجميع النساء←
للمخطوبات والمعاريس الجدد فقط→