شوفوا امس وش قالي زوجي ابي رايكم اللي سويته صح

1. تفو ماشاء الله تفو ماشاء الله علي


2. زوجي من اول مااخذته قبل 3 سنين يعني كنت اصغر << قولي قسم


3. وانت وانت


4. يمكن سالفتنا تضحك شوي بس بالنسبه لي تقهر والله


5. هل انا عندي سالفه بزعلي؟ ولا مالي داعي زي مايقول هو؟

صباح الخير
بنات انا امس صارت معاي مشكله مو مشكله مشكله بس سالفه بسيطه وضايقتني وللحين مضايقتني مع انها انحلت الحمدلله
بس بغيت رايكم
انا عمري 26 ولا بعد اخلصها حتى
وزوجي عمره 33 الحين
المهم انا يابنات اللي يشوفني مستحيل يعطيني اكثر من 22 .. 21 سنه
وعندي بنت وحامل الحين الله يتمم لي بخير ويهون علي ( بنات ادعوا لي امانه ترا خايفاه )
حتى خواته اللي ماتزوجوا شكلي انا اصغر منهم كلهم ودلوعه وكشيخه ومرحه واسلوبي حلو وناس كثير مايصدقون ان عندي بنت

تفو ماشاء الله تفو ماشاء الله علي

زوجي من اول مااخذته قبل 3 سنين يعني كنت اصغر << قولي قسم

المهم مره من المرات السنه اللي راحت كنا فالمستوصف وسالت الممرضه عن عمري قلت 24 قام ناظر فيني وضحك المهم يوم صرنا مع بعض فتح الموضوع وقعد يضخك علي وانتي ليش تكذبين ووش فيها لاكبرتي ومدري ايش ولاحظ اني تنرفزت ( غصب عني) المهم استانس وقد يضحك علي وكل فتره صار يفتح الموضوع اني كبرت وكل مره انا اعصب عليه ويقعد يضحك علي
الزبده
امس
انا حاليا عند اهلي لاني حامل وتعبانه وهو في ديره وانا في ديره
واكلمه تليفون
المهم امس فتحنا موضوع وكنت ابي شغله زي فلانه
قام قالي استحي على وجهك بتقعدين كل ماشفتي شي مع احد قلتي وش معنى انا
ترا منتي بزر
تراك عجوز عمرك 26 وعندك بزرين
!!!!!!!!!!!!!!!
انا تعالوا دوروني!!!!!!!!!!!!
وشو!؟!؟
من العجوز!؟قال انتي انا عصبت بقوه وقمت اصايح عليه واغلط وانت الشايب اللي كل يوم وانت طايح علي

وانت وانت

واللي يشوفني معك يقول بنتك ( مع انه حتى هو شكله مو كبير بس تعطونه عمره) وهالثنين اللي عندي كله بسبتك جبتهم ولا انت ماخذني من بيت اهلي ورده يالشايب والحمدلله للحين انا ورده مو مثلك من اعرست وانت صاير تحوم الكبد ( عاد هاذي اكبر كذبه لانه ماتسنع الا يوم تزوجنا) وقمت ازبد وابكي واناشق وحالتي صعبه وهو شوي يضحك وشوي معصب وشوي كاتم الضحكه
واطقها زعله كبر جدي
واسكر
وارسله لعد تكلمني
ارسلي الين متى مااكلمك؟
ارسلت له لين اموت
ودق ولعد رديت
المهم قعدت اصيح احسه مره زعلني بسالفه عجوز هاذي
ودق كذا مره وانا مطنشه الين رديت وضحك علي بكلمتين وراضاني وقالي صدق انك بزر
الزبده انا حذرته لاعمره يقولي ه الكلمه ولاحتى مزح وحتى لو ماعندي سالفه والموضوع مايستاهل ازعل من هالكلمه اهم شي احترم رغبتي ولعد تقول كذا مااسمح لك قال طيب
الزبده
انا الحين حامل وبولد ان شاء الله كنت ناويه ان شاء الله بعد ماربي يهون علي واولد بالسلامه ان شاء الله
اني اصبغ شعري وبسوي وبسوي وبسوي
بس عقب سالفه عجوز
من امس وانا افكر ابي ارجع قدامه بزر
بجبع شعري جبع ( بقص ام امه لغير الناطقين بالنجديه) لاني كنت ناويه اطوله ان شاء الله وبسوي حركات جريئه شوي سوا بصبغه او بالبس حركات فيها شقاوه نوعا ما ان شاء الله
مع اني زي ماقلت من الاول والله العظيم مو مبين علي عمري واهتم بنفسي موت بس ماش كلمته في كبدي
لانه كم مره يتطنز على عمري واني كبرت
وبعدين انا يابنات شوي مخليه البساط احمدي بيني وبينه لدرجه اني اعرف المنتديات اللي مشترك فيها ويوزره
واغلبها منتديات فيها بزران واجد يعني بنات صغار واشوفه احيانا يسولف معهم واقرا سوالفه من غير مايدري واحسه ينبسط معهم مع انه مايتجاوز حدوده
وكنت اراقبه من بعيد لبعيد ومتطمنه بس عقب سالفه عجوز!!!! احس راح اخاف من هالموضوع ( ان حوله بنات صغار كثير) يعني بالعربي اخاف انه شايف ان الكبيره كخه والصغار هم الفله يوه مدري شلون افهمكم وش في بالي الحمدلله انا واثقه بنفسي بس عقب كلمته معد اثق باللي في راسه هو
خلاصه الموضوع

يمكن سالفتنا تضحك شوي بس بالنسبه لي تقهر والله

هل انا عندي سالفه بزعلي؟ ولا مالي داعي زي مايقول هو؟

( على فكره حتى لو ماعندي سالفه كان لازم اوقفه عند حد عشان معد يعيدها وبعدين انا مابيه يحط في باله اني فعلا كبرت لاجا بعدين بيروح يدور الصغيره!!! وهاذا وانا عمري 26 يقولي عجزتي اجل لا صرت كبره وش بيقول!!! ياجده!!!: )
ثاني شي عندكم افكار وش اسوي بنفسي <<<< ك حلوه وش اسوي بنفسي هاذي نهايه الادمان
ثالث شي سالتكم بالله كل وحده تذكر الله علينا ( ادري من زينا بس بذمتك تذكرين الله) وتدعي لي ان ربي يسخره لي ويسخر لها زوجها هي بعد
رابع شي تصدقون للحين متضايقه منه << حقوداه طلعتي واحس راح ابدا اوسوس
والسلام