شوفوا ملكتي

كيفكم ياعرايس؟؟؟؟
إن شاء الله الكل متهنيه مع عريسها خ
المهم..
بقول لكم وش سويت في ملكتي من وإلى..
أولا: ملكتي كانت في يوم الخميس: 8 / 5 / 14 31 هجري
ويوم الإربعاء جتني للبيت سودانية تشيل وتنظف وسوت لي دلكة
وخلتني كأني مرايه ألمع من النظافة واللمعان والنعومة
وبعدها حنتني حناء حشو لونين يديني كلها
كنت بحني رجولي
بس خوااتي قالوا خير؟؟؟؟
أنا يابنات أحب أحب أحب الحناء
ويوم الملكة يوم الخميس:
رحت على الساعة 1 الظهر لمشغل المعالي في التحلية (الرياض)
وكان زحمة سويت مكياج ب300 ريال
وتكسير لكل شعري إلا الغرة
وفرقت الغرة من الوسط وسوتها لي بالرول
ب200 ريال
تخيلتوا التسريحة؟؟
رجعت للبيت وكان الجو ماطر و هواء يجنن
ودعيت ربي يسهل ملكتي
ويجيبها على خير
بعدها دخلت البيت ولقيت أمي الله يحفظها لي سوت لي كوشة بالبيت
بالوسط شيز لوونغ (أريكة) ومن ورى ثلاث فازات طويلة فيها مويه وكورنيش لون بنفسجي وأعلاها ورد طبيعي
ومع خلفية لكل الجدار فيه لمبات صغيرة معطية جو روعة
وكشافين من اليمين واليسار
وطاولة صغيرة قدامي فيها ورد طبيعي وملبسه بتل نفس اللي على الشيز لوونغ
بعدها طلعت أغير ملابسي وألبس فستاني
لونه ت فاحي ومنفووش
فصلته من المتنبي ب1200 ريال
ولبست ذهبي ويا حبي للذهب
وصرت ماشاء الله لا وقوة إلا بالله
وجااء وقت الزفة
نزلت على زفة الجبالي بدون موسيقى
http://www.rofof.com/4ckbty26/Sam3_Al-swt.html
وشريت كميرا فيديو باناسونيك الجديدة لتصويري
لأني ما أحب المصورات ومشاكلهم وفضايحهم
وبعدها شوط خاص
خ
طبعا ماما الله يحفظها من كل شر
جابت لي كاسين عصير بعد مازبطتهم بيدها النعومة
وكيك كتبت فيه اسمي واسمه ومبروك للعروسين
وبعدها طلعت غرفتي وقعدت إلى العشاء
وانزفيت مره ثانية بس للحريم
وجلست على كوشتي
طبعا حطينا شريط طقاقات حلو مره ويجنن
وللضيافة: جبنا صحن كبير حلاو شوكولاته
وصحن مالح ( فطائر و كبه و ورق عنب و..)
وصحن حلو ( بقلاوة و كنافة و بسبوسة و..)
وعصيرات
وبابا استأجر كراسي للصالة وللغرف الثانية
كل كرسي بنفس لون الغرف
وبعد العشااء
سويت أنا وخواتي فوفله (توزيعات)
من صنع يدينا
وسويت أنا بطاقة ترحيبية مره حلوة
ببرنامج الببلشر
اللي تعرف كيف أنزلها تقول لي..
كنت أتمنى أنزل موضوعي بالصور
بس باقي في الكميرا
لما أنزلها أنسخها هنا ولا تزعلون