شوفوا مواقفي مع غيرتي الجنونيه واحكوا مواقفكم

1. اختكم فالله تموت فشيء اسمه زوجها


2. ويقعد يضحك ,,,,,من كثر ماسألته انتبهلي وصحى من نومه قبل لايقول اسمها

هاي بنات صباحكم سكر شلونكم شخباركم....... ماطول عليكم
سويت هالموضوع عشان اشوف اذا غيرتي انا طبيعيه او زيادة عن اللزوم و ابيكم تقولون مواقفكم اللي صارت مع ازواجكم بسبب الغيرة وهي اكبر مشكلة بيني وبين زوجي............

اختكم فالله تموت فشيء اسمه زوجها

وفي ليلة العيد زوجي ينام بدري وانا اواصل المهم كنت جالسه اخطط وش البس وش الميك اب اللي اصلحه وش ازين بشعري الخ >>>>>> هم الحريم
الا زوجي يتكلم وهو نايم واقرب منه واتسمع وش يقول واسمعه قاعد يقول ملفاتك وايميلك ومدري ايش وانا قلبي يوقف مين هذي ؟؟؟؟؟؟؟؟؟؟ لاني ماكان عندي كمبيوتر ولا ايميل ولا شي وانا اطرطع من الحرة قلتله ملفات مين ؟؟؟ يرجع يقول ملفاتك انتي... وانا مقهورة ابيه ينطق اسم بشوف مين هذي اللي يسأل عن ملفاتها وايميلها وارجع اكرر سؤالي يقولي انتي وانا اقول انا مين ؟؟ ويصحى ويقعد يطالعني ويخزني بعينه قال بمزح صديقتي !!!!!!!!!!!!!!!!!!!!!!

ويقعد يضحك ,,,,,من كثر ماسألته انتبهلي وصحى من نومه قبل لايقول اسمها

ومرة كنا نتمشى بالشرقيه وكانت آخر ليله فالسفرة وبكرة بنرجع للرياض طلعنا للسوق كنت بشتريلي شوية ملابس
والسوق كان مليان حريم وهذا اكره شي عندي بالسوق كل مادخلنا محل وفيه حريم كثير قلت اطلع ماعجبني شيء وانا اصلاً مابعد شفت شيء ............ولا تطالع هناك ........ وطالع هنا .......... ولاتدخل هناك,,,,,,,وازعاج ,,,,,,قالي اشتري خلصي مارح نرجع ثاني ,,,,,قلت مابي ابي اطلع من السوق قال اشتري بعدين اطلعي وانا تقول حالفين علي مااشتري من هالسوق مرة مافيه امل اشتري .........عاد زوجي عنيد موت قالي بتطلعين اطلعي لحالك انا بشتريلي ملابس
قلت بيني وبين نفسي ابي اطلع اكيد بيخاف علي وبيلحقني واستقوي واروح للبوابة واطالع الا مو هذي البوابه اللي دخلنا معها
واخاف بس قلت فشله ارجع له وانا قايله بطلع واخليك واكمل وولدي معي ادفه بالعربة والا الرياجيل وش كثرهم عند البوابة
شي هنود وشي حراس امن وشي شباب واموت من الخوف مدري شسوي ولا ادري وين سيارتنا وارجع لزوجي متفشله احسه بينه وبين نفسه يضحك علي وامشي معه وانا البوز شبر واطلع معه ونروح السيارة
واكمل هوشه بالسيارة ............
انا في بالي اننا بنروح البحر زي مااتفقنا بس زوجي رجع للشقه لما شفت الشقه قلت آسفه ماقصدت,,,,,,,,,,,,,, كل هالازعاج وبساطه آسفه .................كل هذا عشان ماودي ارجع للشقه ابي اروح البحر
والله وينزلني ابو الشباب ويطلع للمقهى بس الحمد لله لما هدأ رجع واخذني للبحر وتحسفت ماكان له داعي هالضجه اللي سويتها التمشيه بس اربع ايام وضيعت اخرها بالهوشات
هالموقف صار مع اختي كانت تبي تغسل ثوب زوجها لقت كرت محل فساتين عرايس فجيب زوجها وتقعد تهوجس البنيه والافكار تاخذ وتودي فيها تقول اكيد هذا فستان عروسه الجديده وتشب نارها المسكينه لما واجهت زوجها بالكرت قال هذا فستان اختك اللي اشتريناه لها قبل زواجها واختي تقولين جبل كان على صدرها وانزاح تذكرت انها هي مجهزة لاختي الصغيرة واشترت لها فستان زواجها قبل كم شهر
والمواقف كثير بس هذا اللي اذكره حاليا واذا ذكرت شي ان شاء الله اكتبه يله عاد مواقفكم انتم ؟؟؟؟؟
انتظر ردودكم ................................