شوفي هذه البنت وساعدوها

شوفو قصه البنت انا كتبتها لانها هي مره متاثره ومتضايقه وتبكي كثير وكويس انها عايشه من الصدمة اللى جتها وخرعت قلبها .
البنت مسكينه كانت بدرس ماجستير اتقدم لها واحد وهو بدرس كمان برا نزل عشان خطبها وبعد كذا كان يبغي يملك طبعا البنت ماكانت مستعده فقالت لما يخلص هذا الترم طبعا فتره الخطوبه هو طلب يكلمها وكان في حوارات ومكالمات بينهم حسب كلامها الى قررو ان البنت توقف دراستها شوي عشان الملكه والزواج وبعد كذا تسافر معاه المهم هي كمان كلمته بعد الملكه ومسكينه كانت مبسوطه فيه وهي ماشاء الله جميله بس كانت تقولي ايش رايك يقلي انا عاديه ومستحقر السعوديات ومعجب بالاجانب والمشكلة انه شايفها يوم الشوفه يعنى لو ما تعجبك البنت قول ماابغي وهذا من حقك ..
البنت تصبرت وتصبرت كان بجيها كلام جارح احيانا بس مو عارفه السبب وهو كان بيدعي انه بدا يحبها والناس كانت تقول عليهم لايقين ببعض واقاربها بقولو لها ان شاء الله يكون يستاهلك لان البنت معروفه بادبها واخلاقها ودينها وعقلها كمان ...
فجا من الكلام اللى كمان بدات تستنكر كان يقلها اجي السعوديه اسبوع ونتزوج بعدين ارجع وانتى كملي دراستك البنت هنا استنكرت فيه احد يبي يتزوج ويقول ها الكلام فيه شخص يقول اتزوج واجلس اسبوع انا استغربت كمان لان اي شخص يتمنى يعيش في قفص الزوجيه وشهر العسل اللى لا ينسي ابد .
البنت لسه ساكته وقالت يمكن مو عارف بسسب عيشته بالخارج لكن بعد كذا مقدرت تتحمل اسلوبه جفاء وقسوه مو زي اي اثنين مخطوبين او حتى مملكين وهي يا عينى المسكينه كانت لاهيه تبي تحضر لزواجها وفرحانه ومو داريه بالدنيا ولا تنسو وقفت دراستها عشانه
المهم في يوم حصل زعل منها رغم انها اعتذرت وطلب منها ماعاد تتصل ولا شي لانها دايم بتعمل ها الشي حتى تراضيه بس والله انه ما بستاهلها المسكينه..
فقررت انها تدخل علية بالايميل كشخصيه ثانيه حتى تعرف هذه الشخصيه المجهوله ..
تم التعارف من كلا الطرفين وبدا الحديث واشتد شجنه الى ان وقعت البنت عيانها على مالا يتحمله قلبها المسكين ولا روحها الضيعفه الطيبه الطاهره وهي تحاول ان تسايره بالحديث حتىى تتاكد من ماضي وحياه هذا الشاب الى ان بدات دموعها الحاره بالتدفق فوق وجنتيها والم في صدرها لتلك الحقايق اللى تنهمر عليها واحده تلوه الاخري وفي نفسها اهذا هو زوج المستقبل اهذا من سيصبح زوجي هل روحي الطاهره ستكون مع هذا الشخص ذو الماضي الاسود اتعلمون ما المصيبه اللى لم تتقبلها الفتاه واحرقت لهيب صدرها عندما اكتشفت علاقات زوجها في الخارج ويعرف تلك الامريكه وتلك الاوروبيه وليس هذا فحسب لانها لكانت تقبل انهن صدقات دراسه او عمل بل كان يحكي لها كيف انهن ياتين الى بيته وينام مع هذه ومع تلك الا انه افصح شياء بانه لم يشرب خمره ولكنه لا يستطيع العيش دون بنات .
هذه المسكينه تتالم الان وتعانى فالاهل والاقارب باركولها بزواجها والكل علم بانه قريب واهلها كيف تواجههم هل تقول لهم ام تستر على هذا الشاب وان سترت هل ستطيع المسكينه العيش معه هل تدمرت حياتها ماذا عليها ان تفعل ماذا ؟؟؟
اتمنى من كل شخص قاري يكتب نصيحه لهذه الفتاه لعل الله ييسرها الى خيره ومرضاته سبحانه وتعالى ..