شوكليت كل من ذاقها انهبل عليها من يديني الحلوه

السلام وعليكم ورحمة الله وبركاته ..
كيفكم يابنات وشو اخباركم ؟؟؟ ان شاء الله تكونوا بألف خير ..
اليوم حبيت انزل لكم طريقة حلا سهل وسريع وهو عباره عن شوكليت على اشكال منوعه
وبصراحه اشكال حلوه وطعم ولا احلى وبتشرف لما تسويها للضيوف مع القهوه طبعاا ...
المهم المقادير..انا بكتب عالمقادير اللي استخدمتها في الصور
2 شوكلاته جالكسي كبيره نفس اللي بالصوره و1 وسط..
وشوكلاته بالبندق نفس اللي بالصوره واذا مو متوفر عندكم ممكن تستخدموو اي شوكليت بس يكون بأوصال البندق ...
ربع زبده صغيره ..
رايس كريسب اللي هو نفس الكورن فليكس بس مدور العادي ...
والسيلكون اللي على اشكال وطبعا تلاقوه بمحلات كثير بس انا اشتريته من ايكيا ..
الطريقه :
طبعا نذوب الشوكليت بحمام مائي والكل يعرف كيف الطريقه اكيد بس راح اشرحها
نجيب قدر كبير ونحط فيه مويا ونجيب قدر اصغر ونحطه فوق ونشغل النار عليه لين يبدأ
يفور وبعدها نحط الزبده وبعد ماتسيح نكون كسرنا الشوكليت الجالكسي واللي بالبندق ونخليه هذي الخطوات
لين يصير سايح وبعد ما يخلص نشيله من ع النار ونخليه حق ثلاث دقايق ونحط عليه
الرايس كريسب وراح يكون فيها قطع البندق وبعدها نبدأ نحطه بالقوالب وبعدها نحطه بالفريزر لمدة 10 دقائق او اكثر
على كيفك .. ويكون جاهز ونحطه بأوراق الحلا..
وهذي الصور لها بعد ماطلعتها من الفريزر هذي من قريب..
وهذي من بعيد
وان شاء الله اكون وفقت بالشرح وفهمتو علي
وبالعافيه ع قلووبكم حبايبي ..
جربوها تراها مره حلوه ولذيذه ..
لاتنسوني من دعواتكم وردودكم الحلوه
تحياتي للكل،،،أم فيصل،،