شي يخوف ادخلوا للضروره

1. اتكلنا على الله ومشينا وتونا بنطلع من الرياض بنمسك خط الشرقيه


2. وحنا مره متروعين من الموقف

اسمعوا يا فراشات قصتي انا وعائلتي بصراحه شي يحيير ويخوف
تخيلوا الحمدالله ربي ستر علينا وانجانا مرتيين
ما ابي اطول السالفه
نبدا بالقصه من بدايتها حتى تكونوا في الصوره
في اجازه الربيع قررنا انا وعائلتي السفر في نهايه الاجازه من يوم الثلاثاء والرجوع يوم الجمعه الى مدينه الشرقيه طبعا انا معي طفلين
المهم في يوم السفره اللي هو يوم الثلاثاء ركبنا الشنط واغراض الرحله في السياره طبعا السياره نوعها جمس موديل حديث
ركب والدي ووالدتي واخوتي وانا واطفالي كانت الساعه تقريبا اربع العصر

اتكلنا على الله ومشينا وتونا بنطلع من الرياض بنمسك خط الشرقيه

ما ندري الا السياره تهز فينا هز كان فيها كهرباء 220 خفنا مره نسيت اقولكم ابوي كان مشيك على السياره قبلها بيوم ما فيها شي
المهم وقف ابوي عند اقرب ورشه وشيك راعي الورشه على السياره وقال ما فيها شي وراح نادى مهندس ثاني قال برضوا ما فيها شي كل شي سليم بعد كذا تونا بنمسك الخط مره ثانيه ولا تهز فينا نفس الهزه الاولى قلنا خلاص بنرجع وناخذ السياره الثانيه الجيب وكان ابوي يمشي بسرعه بطئيه جدا وفي اثناء رجوعنا للبيت عشان نغير السياره ما ندري الا السيارات تاشر لنا وتضرب بواري حنا خفنا قلنا وش فيه فتحنا الشباك عشان نسمع وش يقولون الا هم يقولون حريقه حريقه انزلوا نزلنا لا شعوريا نركض في الشارع نبعد عن السياره الا الكفر اللي ورا قاعد يشب نار من جهة البنزين والله يجزاهم خير الناس كل نزل طفايه الحريق وقاعدين يطفون السياره من ورا وشلنا السياره على سطحه وجاء اخوي وخذنا ورجعنا البيت

وحنا مره متروعين من الموقف

المره الثانيه قبل يومين كان عندنا الاجتماع السنوي لعائلتنا في منطقه برا الرياض وقبل ما نروح بيوم شيك ابوي على السياره ومشى فيها ستين كيلوا عشان يتاكد ان ما فيها شي ووداها الوكاله وشيكوا على السياره من ناحيه كل شي فيها المهم من بكره العصر مشينا رايححين الجمعه بعد ما مشينا ميه كيلوا الا نشوف دخان يطلع من قدام السياره ونوقف على طول جمب الطريق وننزل بسرعه ويفتح ابوي الكبوت والا النار طالعه من المكينه وتشب السياره من قدام على طولوالبنزين كان ينقط عليها الحمدالله الله ستر وانتبهنا للنار والا كان اشتبت السياره فينا وحنا مسرعيين ما ندري
والله يجزا اهل الخير الف خير كل وقف ونزل بمويته وبطفايه الحريق حقته وطفوا النار وعلى طول فصلوا الماكينه وجا المرور وسطحه عشان تشيل السياره رجع ابوي مع راعي السطحه وحنا في واحد مع عائلته كانوا راجعيين للرياض ولزم على ابوي الا يرجعنا معه اخواني وخواتي وانا وامي ورجعنا البيت
كنا قبل ما نسافر عشان الجمعه متصدقين عن انفسنا الحمدالله ربي دفع عنا الشر والبلاء