صالون مكسيم بجده

حلاتي بكل حالاتي

29-09-2022 - 10:56 am

ملكتي ان شاءالله قريب ...دعواتكم الله يتمم لي على خير ..

فرشاتي الغاليات ...

ملكتي ان شاءالله قريب ...دعواتكم الله يتمم لي على خير ..

.. وطبعا حايسه على كذا كوافيره ولحد الان ماحجزت .. ونزلت موضوع اطلب فيه مساعدتكم وفيه بنات ماقصروا بس الحين اكتشفت شي جديد وابغى رايكم فيه ...
.. امس رحت مركز شاميل بلازا اللي فيه بوتيك للمصمم زهير مراد على اساس ماما تبغالها فستان وللمعلوميه اول مرا اروح له انا عارفه انه غالي بس اروح اخذ فكره وطلع مركز نسائي فيه جميع فساتين المصممين العالميين مثل ..(( ديور - فالنتينو - زهير مراد - وغيرهم ....))
على العموم وانا اطالع الا واحصل هذاك الصالون اسمه ((( مكسيم ))) قلت ادخل واستفسر
سالت عن الميك اب كانت اخت لبنانيه راقيه في تعاملها جدا شرحت لي ايش عندهم عروض للعرايس
واذا انا حابه بروفه سعرها خارجي 250 واكدت لي انه تعاملها دايما مع صاحبات السمو والاذواق الراقيه وشفت دفتر حجوزاتها اكثرهم اميرات
..قلت لها انا يهمني الشغل يكون حلو وناعم ومافيه شي غريب وبصراحه انا اول مرا اسمع عنكم وشفتكم بالصدفه فبسأل واذا ربي كتب رجعت وحجزت ...
طبعا واكيد أكيد مالي غير الله ثم انتم تفيدوني اللي سمعت عنه تساعدني ... لاتقولون اكتبي بقوقل كتبت ماشاءالله يمدحونه بس انا ابعرف وحده سوت عندهم واذا ماحصلت توكلت على الله وسويت البروفه .......
::::::::::::: أختكم ......اميرة اليورو::::::::::::::::::::::

التعليقات (9)

بس أنا

29-09-2022 - 01:44 pm

والله ياقلبي أول مرة أسمع عنه
إن شاء الله يفيدوك

سر الجاذبية

29-09-2022 - 02:45 pm

حتى انا اول مره اسمع عنه
وسوي بروفه وشوفي كيف شغلهم
موفقة يارب

*ام سوسو*

29-09-2022 - 03:46 pm

هلا اختي اميرة اليورو
انا صلحت عنده يوم زواجي مره شغلهم حلو ومرتب حتى اهلي صلحوا عنده .... واهم شي المواعيد عندهم مره مرتبه ويخلصوكي على وقتك
مكياجهم مرتب وتسريحتهم بعد
انا صبغت شعري قبل الزواج وصلحت فتله وحواجب وبدي كير ومنيكير عندهم كمان واروح لهم باستمرار بس صار لي كم شهر الحين مارحت لانه بعيد عن بيتي واشيل هم المشوار..
بس شغلهم للامانه نظيف اللي صلحت لي مكياجي قبل زواجي بيوم كانت بالرياض عند الاميره عادله
الله يوفقك يا اختي ويسهل امرك

سلطانه جده

29-09-2022 - 04:47 pm

هلا حبيبتي انا اعرفه واعرف وحده تشتغل هناك معروف من زمان بس تعرفي الناس دايما تجدد واحس كل فتره يكون في صالون مشهور ولما يطلع غيره ينشهر اكثر وعلى ذا الحال
اللي مكياجها حلو اسمهاا ندى
وربنا يوفقك

حلاتي بكل حالاتي

29-09-2022 - 05:48 pm

:::::: يعطيكم العافيه جميعا على الافاده ::::::
......وفعلا اللي قابلتها ندى ومرا اخلاق راقيه وذوق
وبانتظار خبرة البقيه ..........

حلاتي بكل حالاتي

29-09-2022 - 06:49 pm

........ استغفر الله ...........

شنطة مدرسة

29-09-2022 - 07:50 pm

عزيزتي "أميرة اليورو"00 انت وش رايك أو نظرتك الاولى للصالون؟؟
اذا انك تحسين روحك مرتااحة لهم أتوكلي على الله 00 هذا الفراشات ومدحونه لك00 وشجعوك عليه00
بصرااحة00 أنا أول مرة أسمع به00 ياليت تفيديني بأرقامهم00 أو عنوانهم00 ولك جزيل الشكر00

SARA Bio

29-09-2022 - 08:51 pm

طيب كيف اسعارهم للعرايس ؟؟
لاني برضو حايسة زواجي بعد شهرين وماحجزت كوافيرة لآن !

حلاتي بكل حالاتي

29-09-2022 - 09:52 pm

.......... شاكره مروركم ........
أسعارهم للعرايس كذا قائمه واغلى قائمه ب 3000 تشتمل على جميع التنظيفات وغيره وبصراحه استغربت من اسعارهم جدا معقوله بالنسبه للرقي والفئه اللي يتعاملون معاها

فستان عروس جنان للبيع←
بنوتات جدة ساعدوني بالقاعة→