صحيح ان كيدهن عظيم قصة تموت من الضحك

منقول
]كنت عروس ما صارلي متزوجه 3 شهور
كنت اه وكان فعل ماض ناقص <<<<<<<<< اجل كامل
وشايفه نفسي وما حد قدي ومبسوطه وابو الشباب
طاير فيني
الله يحفظه لي قولوو امين
تهاوشنا وانا السبب تراني اعترف ههه
شين وقوي عين
فوق ما الحق علي ما قصر جا وراضاني ويراضي ويراضي
وانا متنحه عالاخر يا حراام تعب وراح يناام وانا
وبدت ام الافكار عندي والشيطان من هنا وهناك ويلعب ويسوي
وكل شوي يعطيني فكره كيف بصالحه بس بدون ما اروح عنده
ههه شفتو والله انها معادله صعبه
بعد محادثات انا وابليس تجاوزت مدتها الساعتين
استقرينا على فكره جهنميه على قولة ابليس
وبدى المسلسل هيا اربطو الاحزمه
كان زوجي الحبيب نايم واروح له وانا ايدي على بطني واصيح
من قلب اه بطني تراني بمووت الحق علي
يا فلان والله بمووت اه ويقوم يا حرام عيونه محمره
ومفجوع وش فيك وش صارلك وانا اصيح اه ارجوك بمووت
ويرمي العبايه علي ويشيلني ويركض فيني للباب
ههه عند الباب تذكر انه لسا بملابس النوم
ههه ههه وربي موقف يفطس ضحك
ويحطني عالارض ويرجع يلبس بسرعه ويرجع وعلى المشفى بسرعه
وانا احبس الضحكه
واقول عادي خلني اروح وش فيها يسوولي فحوصات وارجع
المهم اني خليته يقوم على شاني <<<<<<<<قسم كيدهن عظيم
هو بالاصل موظف بالمشفى
وصلنا وطيران يجيبلي كرسي وعلى طوول عالاسعاف
ويطير فيني وانا ما غير ااه وااه خ
وصلنا وينادي الدكتور المناوب ويجي
سلامات عسا ما شر وش فيك
قاله تشتكي من بطنها قالي فين قتله هنا واشرت لجهة بطني اليمين
انا فعلا كانت تجيني الام متقطعه بهالمنطقه بس كانت تروح مع
المسكنات
المهم مالكم بطول السيره
اخذو دم وسوولي صور وطلعوني لفوق تنويم وركبولي مغذي
قلت سوو الي تبون ونمت وانا مرتاحه وزوجي راح البيت
كانت الساعه 4 الفجر ويبي يرجع عنده دواام
والله انا نمت ويا حلاة النومه كنت تعبانه ههه
جا زوجي الساعه 8 وجايب معاه حوالي 5 اطباء
طلع خايف علي ويبي يطمن بس قالو خلنا نشوف التحاليل والصور
بعد ما طلعو رجعت نمت واتحلم بعد ههه
على الساعه 1ونص الظهر قمت وجهزت نفسي والنيرس شالت
المغذي وكان راح يخلص دوام زوجي وابي ارجع معاه البيت
وجلست انتظره ونسيت الصور والتحاليل ههه
قسم اضحك عليهم من كل عقولهم ماخذين تحاليل
على الساعه 2 جا لعندي دكتور اوكراني ومعاه ممرضه
قالي طلعت التحاليل
قتله ما فيني شي الحمد لله
قالي انت لازم عمليات الحين
انا قتله وش تقول انت عمليات شنو انا ما فيني شي
قالي الزايده معك ملتهبه ويقول للمرضه جهزيها وجيبيها
دخل زوجي وامسكه وابكي واقوله والله والله ما فيني شي
قالي مستحيل الزايده بتنفجر وما لازم تتأخري
قتله انا كنت امزح معك ما فيني شي قالي وش فيك انتي
ليش خايفه
وكيف ما فيكي شي يلا قومي بلا دلع
ياربيه ما عاد حدا صدقني واحلف وابكي واترجى
شوي وزوجي كان راح يبكي معي خ
الممرضه تغيرلي ملابسي وانا مومصدقه ولا مستوعبه الموضوع
شلحتني كل شي ولبستني روب العمليات وابكي وابكي من قلب
وحطوني على السرير وصرت اوصي زوجي كاني بمووت
وزوجي ماسك ايدي ويقولي لا تخافي تراها سهله
وانا اقوله ما فيني شي والله وهو يضحك علي ههه
دخلوني الغرفه وقلبي قسم دقاته تنسمع يمكن الف دقه بالدقيقه
ونوموني وحطولي المغذي وفيه البنج
واقرا قرأن لين ما حسيت بالدنيا
صحيت على وجع واه وجع وجع مو اي كلام
وينوموني وتجي الناس واهلي والزوار والدنيا ويهنوني بالسلامه
وانا كاني بحلم
ههه اه من الحريم
ومن يومها حرمة اسوي شي زي كذا
تراني تذكرتها اليوم وجلست اضحك وقلت بضحكم معي
ونصيحه لا وحده تجي وتسوي سواتي
شفتو العواقب بعيونكم
بس تدرون لليوم زوجي ما يدري عن السالفه انها خدعه
ويحسبني يوم اني قتله اضحك عليك اني كنت اتهرب من العمليه
وما راح اقوله ههه
واي وحده صار معها زي موقفي تسدحه لنا خلنا نبتسم
للأمانة الموضوع منقول
أردت به ادخال الفرحة على قلوبكن و رسم البسمة على شفاهكن
جزى الله صاحبته كل الخير