صدقي او لا تصدقي ضاع فستاني الزواج مع التكسي

1. اول واحد ما رضى بس الثاني رضى و طلع سعودي

السلام عليكم يا بنات ما تصدقون وش الي صار معاي ...
كنت طالعه من اسواق مكه و معاي فستان الشرعة ( يعني فستان الزواج الابيض )و معي اختي و اخوي الصغير , قلت لأخوي وقف تكسي و قله توصلنا لحياة بلازا ب 15 ريال اذا وافق ولا دور غيره

اول واحد ما رضى بس الثاني رضى و طلع سعودي

حطينا الفستان و الجيبون بشنطة السياره و ركبنا الحمد لله الله الهمني اني استغفر و بعد اقول لا حول ولا قوة الا بالله ايه بعد انا قايله دعاء الخروج من المنزل ..... في نص الطريق دق جوال السواق نغمة انشوده للأم و طلع صديقة مو امه قال لأخوي ياربي تعرف تظبط النغمه قاله اخوي ايه وظبطه له و بعدين قال السواق دق علي علشان انأكد مسك اخوي جواله ودق عليه
بعد شوي وصلنا لحياة بلازا ونزلنا كانت اختي شاريه فستان وعاملين عليه تعديل رحنا نركض للمحل قال راعي المحل لسا ما خلص الفستان و انا تنرفزت قلت كيف ... قال راعي المحل امزح و جاب الفستان
بعدين طلعنا فوق علشان نتعشا كنا جوعنين مره
تعرفون ساعتين عبال ما نطلب الاكل و يخلص و عبال ما نلقى طاوله ... المهم قعدنا و كلينا
بعد ما قمنا مسك اخوي كيس اختي وقال بس هذا الكيس باقي كيسين ثانيات كبار وبيض وينهن
قلت انا اي كيس قال الكيس الي جبناه من اسواق مكه !!!! قلت انا يوه ايه والله الكيس >>وش عقبه
قلت لأخوي ايه انت معاك رقم جوالراعي التكسي قال ايهه صح و اتصل عليه الحمد لله وبعدين رجع وهو الي وصلنا للبيت بس عقب ما تلفت اعصابي
يوم رجعت للبيت ما قلت لأمي الي صار و حلفت اخواني انهم ما يقولون لأحد >>فشله ههه
و قعدت ارتب الشنط علشان نروح المطار الساعه 3 الفجر و احنا في المطار و شفت امي ارتاحت قلتلها اشوى قامت تضحك وانتهى الموضوع على خير
بس نصيحه انتبهو لما تركبون مع التكسي خذو رقم الشركه و الله يوفق كل العرايس اللهم آمين