صديقتى انقبضت روحها

السلام عليكم اخوتى
حبيت اليوم انبهكم بشيء للأسف الناس مستهينين فيه وهو
تأخير الصلاة.....................
اخوتي بخبركم قصة حقيقية صارت لوحدة أعرفها خبرتني عنها وأنا الحين اكتب هالكلمات اكتبها
بدموعي, ربيعتي انسانه ملتزمة بس من فترة سارت القرية العالمية وتقولي ماصليت أخرت صلاتي لانه المسجد بعيد عني
تعرفون شو حلمت؟
تقولي شفت ملك الموت ياني وخذا روحي وأشوفني يكفنوني والكل جنبي يصيح وأنا اصيح وأصرخ بأعلى
صوتي ومحد يسمعني
وخذوني للمقبرة عقب ماكفنوني وحطوني في القبر وساروا عني
وأنا أصرخ علشان مايروحون ويخلوني بروحي بس لاحياة لمن تنادي محد يسمعني والقبر كان ظلمة
ووحشة , جان اييني ريال ويضربني على رجلي ماشفت وجهه زين بس لمحته لونه أسمر قلت له انته منو
قالي أنا جاي أحاسبج على تأخيرج الصلاه.
وأنا أصيح وأصرخ وأقوله سامحني أنا يمكن أذنبت بحياتي سامحني وهو يقولي بسامحج على كل شي الا
تأخيرج صلاتج لازم أعاقبج قالي ربج يحبج علشان جذه طرشني لك ,وصرخت بأعلى صوتي قلت
يارب أنا أحبك سامحني
تقولي جان أشوف القبر استوى وسيع وكبير وفوق استوت فيه فتحات جان تدش أشعة الشمس منه ونور
قبري فجأة جان أقول حق الريال خلني أرد حق أهلي قالي هذا مكانج بس بخليج تسيرين تشوفينهم وتردين
جان أطلع من قبري وأمشي بين القبور في الظلمة والوحشة وحاسة بخوف فضيع وأشوفني وصلت عند
البيت جان الاقي أهلي يصيحون ويذكرون اسمي وأنا أشوفهم وهم مايشوفوني وأصيح بس محد يسمعني
ورديت القبر مرة ثانية وأطلب من الريال يسامحني واقوله رجعني الدنيا بسوي كل الي تباه
وفجأه نشيت من النوم وحسيت كإنه الروح ردت لي وعيني صارتثقيله ويوم فتحيتها اشوف الغرفة ظلام
والكل نايم
ومن يومها وهاي الانسانه ماترقد ولاتاكل وصارت متدينه وكله تصيح وسرحانه ,
عقبها صار لها حمى وسارت المستشفى خواتي تخيلوا شو تقول لي هالانسانه
تقولي لو شفتي الي أنا شفته بتقولين ماأبغي أي شي في هالدنيا غير رضا ربي وبس
ودمتم في طاعه الرحمن
منقول