صور غذانا المكسيكي

كل سنة وانتم طيبين وسنة جديدة عساها تكون بداية خير للجميع
غذاانا هذه المرة مكسيكي
عندي كتاب كل عن المطبخ المكسيكي قلت ليش ماتكون سفرتي كلها مكسيكية وفعلا اخترت 4 اطباق
سمك بالفرن – بطاطس بالصوص الخضر – تورتاس – حلى الاناناس بالنعناع
نشوف صور السفرة ياحلوات
بالاول مقادير الطبق الرئيسي السمك
عندك في الصورة المقادير لتتبيلة السمك( زيت زيتون –عصير برتقال –عصير ليمون – بابريكا – اوريغانو –كمون – فلفل احمر حار- شوية قرفة- قرنفل – كزبرة مفرومة – وثوم)
تخلطي كل المقادير مع بعض وتدهني السمكة بالكامل من بره ومن داخلها وتحطيها في الثلاجة لمدة ساعة
تحطيها في قصدير وتغلفيها كويس وتخرمي القصدير اخرام صغيرة علشان تنزل موية السمك
الطبق الثاني البطاطس
(بطاطس مسلوقة- بصل – ثوم – طماطم –مكعب ماجي مذوب في ماء – كمون – فلفل احمر حار- كزبرة مفرومة)
تسلقي البطاطس نص سلقة وتقطعيها مربعات
تحطي البصل بقشرة مع الثوم على النار بدون زيت وتتركيه لين يتشوح من كل الجهات ونفس الشي للطماطم
تقشري البصل والثوم وتحطيهم في الخلام مع الطماطم والكمون والفلفل ومرقة الماجي وتخلطيهم كويس
حطي شوية زيت زيتون على النار وصبي الصلصة وبعدها البطاطس المسلوقة
وقلبيها لين تنشف الموية ورشي الكزبرة وقلبيها مع بعض
الطبق الثالث تورتاس
هي معجنات محشية بالدجاج بس انا حشيتها بالخضار والجبن
اول شي عجنت عجينة العشر دقائق وعملتها كور صغيرة ودخلتها الفرن
بعدين مقادير الحشوة(بصل اخضر-طماطم-زيتون-فلفل رومي اخضر-جبن فيتا-فلفل اسود)
اضيفي شرائح النعناع وقدميه مع قطع الثلج
']
وبس خلاص نشوفكم المرة الجاية
ملاحظات:
الاكل المكسيكي معروف انه حار بس لو كان عندك اطفال مثلي اغرفي لهم على جنب وبعدين اضيفي التشيلي الحار.
مقاديري مش واضحة بالضبط لان كل وحدة راح تعرف الكمية اللي تناسب عائلتها انا عائلتي صغيرة علشان كذا مقاديري صغننة.
لما تذوبي مكعب الماجي لاتكثري الموية علشان الاكله مش ايدام هي بطاطس متبلة بالخضار.
جبنة الفيتا في انواع وهي مالحة يعني لاتظيفي ملح على حشوة التورتاس .
حلى الاناناس مره بسيط بس جدا لذيذ يعني بعد غدوة معتبرة صعب تاكلي حلة جالكسي او طبقات وغيره بس الاناناس يهضم وينعش وصرت كل كم يوم وانا عاملة كاستين لي ولزوجة.
الكاسات اللي على السفرة انا دخلتها الفريزل من بدري ومسحت اطرافها بالليمون وغمستها بالسكر .