طالبات الثانوي ثاني ثالث فقط حياكم

1. بس ربي يسرها لي


2. خلي كل شي في وقته حلوو

.
.
.
.
.
.
.
السلام عليكم ورحمة الله
قبل كل شي اخواتي بنات الثانوي .. (ثاني .. ثالث)
انا خريمة السنه الماضيه من الثانوي
ما تتخيلون يابنات كيف ان نفسيتي تعبت بغيت انجن بس ربي ستر كنت اروح يوم واغيب عشره تعبت مرره

بس ربي يسرها لي

جبت الترم الاول نسبه في السبعين لاني كنت تعبانه والترم الثاني رفعت نسبتي لثمانين وبقولكم شي قبل كل شي كلنا نسب النظام الجديد حق النسبه من ثاني والله يابنات انه نظام روعه ومارفع معدلي الا نسبة ثاني ثانوي
انا عملت الموضوع عشان اساعدكم واخبركم عن اللي مريت فيه ابيكم تستفيدون
قبل كل شي تمسكي بربك وادعي داايم
لا تحرمين نفسك شي عشان النسبه والمعدل وتضايقي نفسك واهلك استمتعي في كل شي لا تتعبين نفسك مثلي ماضيعني الا الهم كنت شايله هم الثانوي
وبنفس الوقت ماقولك تهملين ابدا لا تهملين
وحاولي قد ما تقدري تجيبي 20 درجه ( المشاركه + الاختبارات القصيره ) لازم تظمنينها
لانك ماراح تظمني تجيبي 30 في النهائيه واحتمال تنكبون وتجي الاسئله من برى ياطالبات الاهلي
انا ماقولك تعبي نفسك وكل درس تاخذونه ادرسيه لا لو في الاسبوع تذاكري الدروس اللي اخذتوها كلها او كل ثلاث ايام عشان ما تتعبي وتملي
بس كل اختبار قصير ذاكري الجزئيه اللي عاطيتكم اياه الاستاذه صميها صم تكون قليله وما تتعبك
وتسهل عليك المذاكره لنهائيه
حددي لك هدف قولي ابي ادخل القسم هذا عشان تشدين حيلك ولا تخلين اختبار القياس يوقف في طريقك
لان مهما جبتي فيه
ماراح تنخسفين كثيير من ثلاث الى اربع نسب بس
وترى السنتين هذي بتكون افضل واحلى سنتين في حياتك لا تندمرين وتشيلين هم المعدل والقياس والقبول

خلي كل شي في وقته حلوو

داايم تابعي منتديات التربيه والتعليم قسم الطالبات لان فيه اشياء مرره راح تفيدك يعني عن مواعيد التسجيل في القياس وكيف تسجلي وكمان اخبار القرارات الجديده خليك على اطلاع داايم عليه تعروفون وزارتنا وسوالفها الماصخه
في النهايه الله يوفقكم ويسعدكم ويعطي كل وحده ما تتمنى
لا تنسوني من دعواتكم