طرق متنوعة لعمل الرز المصري اتفضلوا

بسم الله الرحمن الرحيم
اول طريقة : الارز المصرى بالشعرية
اولا تشترو طبعا ارز مصرى
طريقة العمل (لفردين)

• نغسل كوب ونصف من الارز وننقعة في المياة مده ربع ساعه
• نحمر نصف كوب شعريه في سمنه او زيت ليصبح لون الشعريه بنى (بس خلو بالكو لتحرقوها لانها بتتحمر بسرعه)
• نصفي الارز ونضعه على الشعريه مع التقليب
• نضع مياه بحيث تغطي المقدار وملعقة ملح صغيرة ونعلى النار لحد المياة تغلى وبعدين اخفضو النار تانى لحد ماتستوى ....

ثانيا الارز واحده بواحده:
نفس الطريقه بس بدل الشعريه تحمرو شويه رز من المنقوع لحد مايصبح بنى وكده تبقى رزة بيضه ورزه بني
ثالثا الارز المعمر:
ده بيبقى في صينيه عميقة وطريقتها
ننقع الارز بس نصف ساعه ونضعه في الصينيه ونحط لبن يغطى المقدار زياده شويه وذرة ملح بسيطه عشان المفروض طعم الملح ميظهرش ونحط عليهم كمان ملعقتين قشطه (ياريت تكون طبيعيه بتلاقوها عند قسم الجبن بلاش لونا واخواتها ) ونضعها في الفرن على درجة حرارة متوسطه لحد مايغلى اللبن وبعدين نخفض الحرارة لتستوى
وبالهنا والعافيه يارب
ومتنسوش تدعولى بعدها