طريقة حفظ الزنجبيل الطازج لاطول وقت سهله وممتعه

بسم الله الرحمن الرحيم
جيتكم ومعي سرّ من أسرار مطبخ"أمي الغالية"
حبيباتي ما تلاحظون إذا شريتي زنجبيل ناشف ومطحون أن طعمه غير الطازج ..
وأكيد اللي جربت الطازج ما راح تقبل الناشف...
لكن كثير منّا ما يستعمل الطازج لعدة أسباب..
أهمها...
أن الطازج لازم تشترين كمية قليلة لان لما تشترين كمية كبيرة
راح يظل في الثلاجة مدة ويخرب على طول!!
خصوصاً أن استعماله بالطبخ
قليل نسبياً
لذلك الناشف ما يفرق كثير وإلا قليل...فيفضله أغلب الناس<<تقصد النساء
المهم يا الغاليات روحي لأقرب سوبر ماركت وأشتري الكمية
اللي تناسبك<< ولا يهمك
بعدين قشريها وترى تقشيرها سهل مره
المهم يالغاليات إذا خلصتي مقشرتها قطعيها قطع متوسطة
وحطيها بالمولنكس(( الحوض اللي فيه موس)) انتبهوا مو الخلاط..
أو حطيها بمفرمة اللحم..
المهم
بعدين لما تحسين أنه أنفرم خلاص..
عبيه بأكياس صغيرة شوي وأفرشيه فيها
يعني بيطلع شكله مثل الأقراص..
وحطيه بالفريزر ومتى ما أحتجتي للزنجبيل!!
خذي منه المقدار المناسب..
وراح تلاقينه مثل أقراص البسكويت ينكسر معك بسهولة..
وصلحية مثل الشاي يعني حطي شوي زنجبيل مع سكر حسب الرغبة وخليه يغلي على النار شوي
وهذا أفضل شراب للشتاء
وجربيه بعد في تتبيل اللحم والدجاج والسمك<< جنان
ان شاء اكون افدتكم