طريقة حلوه وجديده لعمل الكريم كارمل بدون فرن بالخطوات المصوره

غدوره

24-04-2022 - 02:25 pm

السلام عليكم ورحمة الله وبركاته
اليوم جايبه لكم طريقة عمل الكريم كارمل بالخطوات المصوره من مطبخي
طريقه روعه ومضبوطه ميه الميه وثابته وتبيض وجهك عند معازيمك
المقادير
علبة قشطه
ظرفين كريم كرامل
0ملاعق حليب بودره
ملعقتين سكر
كاسين مويه واحد بارد والثاني حار
شوي فانيلا
بيضه
الطريقه ( على فكره انا مسويه مقادرين ) لانه القالب كبير
اول شي نجيب فنجالين سكر ونحطهم على النار لحد ما يذوب السكر ويصير لونه كراميل ونحطه في قالب الكريمه
بعدين نحط بزبديه
البيضه مع الفانيلا ونخلطها بالمضرب اليدوي مع اضافة السكر
بعدين نضيف القشطه
بعدين الحليب البودره
بعدين نضيف كاس المويه البارد ونخلطهم بعدين نضعها بقدر ونضيف كاس المويه الحار
ونحركها على النار
لحد ما تبدا تغلي
بعد ذلك نصبها بالقالب
نستنى شوي لحد ما تبرد وندخلها الثلاجه
ما تحتاج وقت طويل لحد ما تثبت
وبالهناء والشفاء
ملاحظه ( الاسم اللي على الصور هذا اسمي بمنتدى ثاني )

التعليقات (5)