طريقة شمشومه الممتعه في تثبيت العطور

بسم الله الرحمن الرحيم
موضوعي اليوم
بيكون شرح مفصل لطريقتي في تثبيت عطوري وانا نزلته مخصوص
لعيون اللي طلبوني واتمنى الافاده للجميع
بسم الله نبدأ
وماشاء الله تبارك الله
اولا واهم شي في تثبيت العطر يكون الجسم نظيف
يعني ريحه عطر على جسم فيه افرزات ولو كانت بسيطه يعطي نتيجه عكسيه ومقرفه
انا الحمد لله من وانا صغيره متعوده على الاستحمام يوميا
ولو مااتروش يوميا احس كأن شي ناقصني واحس اني مكسله وطفشانه
عشان كذا دايما عطوري احطها على نظافه وهذا اول سر
الشي الثاني والاهم
فيه شاور خاص يثبت العطر اكثر من الشاور العادي
وهو الشاور اللي يكون فيه تقشير وصنفرة للجسم
يعني لمن اكون ذاك اليوم مسويه تقشير لجسمي او صنفره احس الريحه الحلوه تمسك في الجسم حتى لو كانت مجرد لوشن ناعم
وطريقتي في الصنفره سهله مره وماتاخذ مني وقت
واستخدم اشياء كثيره واللي متوفر عندي في البيت استخدمه مو شرط اروح واجيب الاغراض وتعب ومشوار وغلبه
وكلها حاجات معرووفه عند الكثير وماهي غريبه
اولها صنفرة ستيفز بالمشمش روعه
تقشير صح ونظافه من قلب
ثانيا زيت الزيتون مع ملح خشن
وهذي روعه روعه روعه لانها زياده على التنظيف تخلي الجسم زبده من النعومه ومع الاستمرار تفتيح ملحوظ على الاماكن الداكنه
انا ولله الحمد لوني فاتح وقطعه وحده وماعندي أي اماكن داكنه ماشاء الله تبارك الله
بس كان عندي بقعه يميل لونها للبني الداكن في بطني
جايه زي الحبوب الصغيرره مره وتسبب حكه مزعجه
هي جايتني بسبب عين واستخدمت لها زيت زيتون مقري فيه وراحت الحمد لله بس بقى اثرها شوي والحمد لله مع صنفرة زيت الزيتون راحت بشكل نهائي من فضل ربي
ثالثا السدر المطحون
وهالطريقة اخذتها من المنتدى اخذ شوي سدر وشوي حليب بودره واعجنهم سوى بشوي مويه وواحطهم على جسمي واذا نشف شوي وتشربه الجسم ابدا اسوي الصنفره والتقشير والنتيجه روعه نعومه وصفااوه
رابعا وهذا هو السر العجيب اللي فعلا بدونه اضيع
الليفه المغربيه
هالليفه سحر بكل ماتعنيه الكلمه انا استخدمها بالطرق الثلاث اللي قبل يعني بعد التقشير اسوي تلييف كامل لجسمي فيها
لكن الطريقه الرابعه اذا مره مستعجله ومالي مزاج خلطات وتقشير استخدمها هي ع السريع
يعني ارغي الصابونه على جسمي وبعدين ابتدي بالتلييف بنعومه ومو بطريقه دفشه وكرف لالالا
اليف بنعومه وبعدين اغسل الصابون وارجع اليف الجسم بدون شي وربي احس جسمي كله يتنفس من النظافه واحس بنشاط لان هالطريقه فايدتها داخليه قبل تكون خارجيه يعني تنشط الدوره الدمويه وتفتح المسام والنتيجه الخارجيه نظافه ولمعه ونعومه زي الحرير
والصابون اللي استخدمه في هالخطوه مو معطر ولا صابون دلع خ
لا اللي استخدمه هنا صابون الطاووس او صابونه الكركم وهالصابونتين لو اتكلم فيهم الى بكرى مااوفيهم حقهم
جد جد نظافه ورح تلاحظون النتيجه من اول استخدام
وهذي الليفه المغربيه اصليه ميه بالميه جايتني من المغرب
ومن اول ماوصلتي وشفتها تأكدت انه ملعوب علينا في اللي تنباع عندنا خ
اخر خطوه في الشاور
التعطير والدلع يعني الحين خلاص جسمي نظيف والجلد صحي وفريش يعني مافي جلد ميت ولا فيه مرطبات متراكمه ولا شي
واي ريحه رح تمسك فيه
في هالخطوه استخدم الليفه العاديه اللي تجي مع الشاور جل
واستخدم أي شاور جل او صابونه قدامي
وهنا الخيارات كثيره
الشاور جل اللي عندي حاليا
ليل بالعود وبالعنبر وبالمسك
شاور جل ديتول الوردي والاخضر وديتول اكتيف
شاور جل بريحة النكتارين من دوف ريحته تجن وفوااحه
اما الصابون
صابون جونسون
صابون لوكس بانواعه
صابون ديتول اكتيف هذي روعه تعقيم وثقه
وصابونه المسك وصابونة العود وصابونه الورد وهذولي ريحتهم تجن في الجسم بس مع الاسف ماعليهم اسم ماركه ولا اي شي
انا لقيتهم في محل عادي بالصدفه واخذت منهم كميه والحين مخلصين من عندي مو باقي الا حبه وحده بريحة العود
وهذي صورتها
الخطوه الاخيره وهذي اذا عندي مناسبه او زياره
علبه مويه فيها خمريه شعر او مسك القرشي او دهن عود ارجها مضبوط واكبها على راسي من فوق وجسمي كامل و افرك فروة الشعر وجسمي فيها عشان تتعمق الريحه اكثر
وبعدها خلاص الف المنشفه على شعري والبس روبي واطلع
خلصنا من الشاور الحين
انشف منطقة الابط مضبوط واحط الديودرنت
وابدأ بمرحلة الترطيب ..
بنات لازم وضروي الترطيب بعد الشاور حتى لو مسويه صنفرة زيت الزيتون بتلاحظين الجسم ناعم ومو محتاج بس حنا نبي ترطيب وتعطير في نفس الوقت
انا استخدم أي مرطب قدامي وكل يوم لي مزاج
احيان ابغى ريحه قويه وصابونيه ومنعشه استخدم مجموعة نبتون
احيان ابغى دلع ورومنسيه استخدم مجموعة الكرز الياباني
احيان ابغى ريحة بيبي ونعومه استخدم لوشن ليل بالمسك او زيت جونسون مع مبشور المسك
احيان ابغى ريحه شرقيه وفخامه استخدم أي لوشن فرنسي اللي جاي مع العطر
او لوشن دانتيل من الشايع للعطور او زيت جونسون مع دهن العود
احيان ابغى ريحة مثيره استخدم مجموعة برايد من نكتار
وانتي واللي موجود عندك مو شرط تتقيدين في اللي ذكرت
لكن لازم تراعين انسجام الروايح يعني مثلا غلط ترطبين جسمك بمرطب ريحته بيبي ونعومه وبعدين تستخدمين عطر فخم او تتبخرين ف بخور عود ولا معمول على عنبر
لان بكذا رح تضيع الريحه الاولى الناعمه وتطغي الريحه الفخمه والثقيله
واذا حابين ترطيب مضاعف وجسم حرير بمعنى الكلمه
انصحكم تجربون زبدة بالمرز الجديده بزيت الزيتون كلمة روعه قليل عليها
انا اخذتها قبل رمضان بكم يوم شفتها قدامي بسنتر بوينت قلت بجربها وكانت احلى تجربه طبعا هي ريحتها مو حلوه ومعطره لكنها مو بشعه
تعتبرعاديه انا احيان استخدمها قبل مجموعة نبتون واحيان في البيت اكتفي فيها كترطيب واكمل باقي الخطوات من بودره وبدي سبراي وبخور وعطر ...الخ
هذي صورتها
بعد الترطيب استخدم بودره الجسم وبرضو الخيارات كثيره والاهم اني اراعي انسجام الروايح
اللي استخدم حاليا
بودره نبتون
بودره العود من اجمل
بودره فرانك اوليفر
بودره جونسون
بودره رين دروبز من اجمل
بعد البودره استخدم البدي سبراي
وحاليا ماعندي الا زهرة الوادي مع خلطة العود وهذي للطلعات لان ريحته فخمه وقويه مره
وبدي سبراي بريحة الازهار ماركته عاديه اخذته من الصيدليه
واضفت عليه مخلط ارزة لبنان من القرشي وصار ثابت وفواح بشكل ماتتخيلونه
بعد كذا استخدم العطور المعتقه او الزيتيه
مثل دهن العود الكمبودي او دهن بورمي من جنيد او مسك القرشي او مسك مكه او مسك ياس
او مخلط سولافه من القرشي او ارزة لبنان او عطر سكيب الزيتي او ورد طايفي
وطريقتي فيها مسحه خلف الاذن ومسحه خلف الركبتين ومسحه على اطراف الشعر ومسحه على الرقبه ومسحه خفيفه مره على ارنبة الانف
واخر شي البخور
وبرضو أي شي قدامي استخدمه وعلى حسب المزاج يعني اذا في بالي بخور معطر استخدم من البخورات اللي عندي زي دقة العود الكمبودي / المبثوث الاماراتي / بخور افراح / معمول القرشي
واذا جاي في بالي بخور خشب استخدم اللي عندي ( بخور كمبودي / اوعود صناعي اندنوسي )
بعد كذا البس ملابسي واتعطر من العطور الفرنسيه
واذا بطلع ازيد عليها رشات من المخلط الشرقي
هذي طريقتي بالتفصيل وبالحرف الواحد مازدت ولا نقصت وترى هي سهله مره بالتطبيق وماتاخذ وقت ابد واللي يتعود عليها بتكون روتين ممتع
منقول
لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك