طريقة طحينية الطازج احلى تغميسة واحلى صوص

السلام عليكم
كيف حالكم يا اجمل واروع فراشات
اكيد كثير منكم يحبون طحينية الطازج لانها بصراحة روعة وطعمها مرة مشهي ويفتح النفس على الاخر تاكلي ثلاث علب لوحدك بدون مبالغة
واكيد كلكم نفسكم تسونها بالبيت
وعلشان انكم حبوباتي وصحباتي قلت اعلمكم الطريقة الخطيرة الي حصلتها وعدلت عليها الين ما ظبطت معي وصارت روعة
راح اقلكم على الخلطة السرية وبصراحة تنفع على صحن مشاوي لاني الليلة تعشيت مشاوي وبدون
مااجامل كانت هي نجمة السفرة بين المقبلات لان طعمها خرافة
والاجمل من كذا تقدري تستخدميها عدة استخدامات
مثلا
صوص على سلطة
مع المشويات
مقبل جانبي
تغميسة شيبس
تغميسة خبز محمص
يعني بكل الطرق الذ
ماابغى اطول عليكم
\
/
\
/
\
/
\
/
\
/
\
/
\
/
اولا المقادير
2 ملعقتين طحينية سائلة
نصف ليمونة معصورة
ملعقة مايونيز
ملح
رشة فلفل اسود مطحون
بصلة مقطعة ناعم مرة
ملعقة خل ابيض( العادي)
شوية لبن سائل
اذا مافية لبن عادي حطي ملعقتين زبادي مع شوية موية وتذوبينها
بس البن اطعم
ورق نعناع طازج لتزيين (اختياري) بس يعطي طعم رائع ويكسر طعم البصل
الطريقة
قطعي البصل قطع صغيرة جدا علشان ما تزعج في الاكل
في الخلاط تحطي الاشياء السائلة وبعد ما تنخلط تضيفي البصل علشان ماينعصر اخلطي جميع المقادير مع بعض وخليها 10 دقايق علشان نكهة البصل تعطي طعم الذ لها وبعدين قدميها بالطريقة الي تعجبك.
وهاذي الصورة
وبالف هنا وشفاء على قلوبكم ياعسولات