طريقة عمل الجبنة الرومى فى البيت

الجبنة الرومى لا غنى عنها والكثيرون يعشقوها وهنا جئت لمحبيها بطريقة سهلة وبسيطة لعمل الجبنة الرومى فى البيت بابسط المكونات ولتضمنى نظافتها ومصدرها لتكون اكثر امانا على صحتك وصحة اولادك:
المقادير :
2 كيلو لبن كامل الدسم
1 كوب ماء مثلج
6 علب زبادي بلدي
6 ملاعق صغيرة ملح طعام
فلفل اسود سليم
بطاطس مهروسة
6 ملاعق كبيرة قشطة
الطريقة:
اول حاجة نغلي البن ونضيف له الزبادي ونقلب كويس قوي في الاتجاهين الاثنين وبعدين ترفعيه من علي النار
تجيبي الماء المثلج ونضيفه علي اللبن مع التقليب ايد بتقلب وايد بتضيف ثم الفلفل الأسود ونقلب وبعدين البطاطس والقشطة
ونفضل نقلب لحد مانحس ان مفيش كلاكيع خالص والخليط اصبح كريمي
نييجي للخطوة المهمة جدا تصفية السوائل والماء وهتكون عن طريق شاشة كبيرة نظيفة جدا نحط فيها الخليط وتحتها طبق كبير طبعا
ونعصرها كويس جدا جدا لحد مالسوائل تنزل نسيبها 12 ساعة ونرجع نعصرها تاني واغير الشاشة واعصرها واسيبها 12 ساعة بكرر الموضوع ده من 4 الي 5 مرات كل مرة 12 ساعة
لحد ماتتماسك اضغط عليها اوابططها بايدي واحط عليها حاجة نظيفة ثقيلة علشان تضغطها لحد مالاقي السوائل اختفت تمام احطها في علبة كبيرة او علب صغيرة ونحطها في الثلاجة مش الفريزر يوم
اتمنى ان تكون الوصفة حازت على اعجابك وتكون استفدت معنا وتشاركينى الرأى