طريقه التبن

على فكرة
تراني كتبت عنوان الموضوع وأنا في كامل قواي العقلية وما علي حرارة ولا شي والحمد لله
بس اصبروا شوي وبتعرفون ليش وكلتكم تبن ومصيركم توكلونه غيركم
^
^
^
^
المقادير :-
بسكوت شاهي
علبة قشطه
فنجال شاهي سكر
نص فنجال زيت
3 ملاعق حليب بودرة
3 ملاعق كاكاو بودرة
نستله
شعيريه باكستانيه
الطريقة :-
1 /نخلط كل المقادير مع بعضها بدون ( الشعيريه و النستله والبسكوت) هذولي نخليهم على جنب شوي
2 / ناخذ البسكوت ونقصه بالسكين ثلاث أقسام زي الصوره
3 / نغمس البسكوت بالخلطه اللي سويناها قبل
ونسويه ثلاث طبقات زي كذا .
4 / بعد مانسوي الكميه اللي قصيناها من البسكوت وخلصنا نحطهم في الفريزر لمده ماتقل عن ساعه
عشان تجمد الشكولاته وتتماسك .
5 / نكسر الشعيريه الباكستانيه كسر صغيره مرره ونحمسها ع النار لحد ماتتشقر .
6/ نطلع البسكوت من الفريزر ونغمسه بالنستله وبعدين يقلب بالشعيريه مثل الصورة
نجي الحين لطريقة التقديم وهي اللي عليها الكلام ويصير الحلى معها يا سلام
نقصص من خيشة الرز أو خيشة القهوه حبال زي اللي بالصوره لإننا بنستخدمهم في ربط مربعات الحلا
( ماننسى اذا قصيناهم نغسلهم )
بعد ما ناخذ الحبال ونربط فيهم المربعات بيطلع عندنا الشكل التالي
إذا ربطناهم وخلصنا نجيب صينية التقديم ونحط عليها ورق الحلى وندهنها بشوية نستله ونحط عليها سميد
والحين نجي نشوف الشكل النهائي
^
^
^
^
يالله عاد وش رايكم إذا قالكم أحد كلو تبن انبسطوا ولا تضيق صدوركم
الصور والموضوع م ن ق و ل