طريقه عمل الشاورما في البيت

سلالالالالام طبعا ، ثلاثه أرباع سحالي المملكة ما يعرفوا الطبخ ولا هم جنبه اصلا ، كوب شاي ويخب عليهم يعني بالعربي هالموضوع إهداء للربع النافع منهم
المقادير
1- صدور دجاج الكميه الي تحتاجيها
2- نص كاس زيت زيتون
3-نص كاس عصير ليمون واذا يزيد افضل بعد
4- بهار اسود او ابيض وفلفل احمر وملح
5- واذا تحبي حطي علبة روب زبادي
للعجينة:
3 كاسات طحين
كاس وربع ماء
ملعقه كبيره خميره فوريه
شوي ملح وملعقه كبيره سكر
بيضه
السلطة :
خس مفروم
طماط مقطع اختياري شرائح او مكعبات
مخلل خيار
صلصة
طحينه وشطه وماء مقادير انتي تحدديها
الطريقة :-
1- نحط الدجاج في حافظه نصب الزيت والليمون
والبهارات والملح والزبادي ان حبيتي
ونتركهم بالثلاجه يوم كامل افضل واحسن
2- بعد يوم من نقع الدجاج في الخلطه
3- نضع صدور الدجاج على صاج او مقلى تيفال
ونقليه مع شريحة زبده حوالي ربع الزبده ونشويها من
الجهتين شوي تتحمر مو شرط تنضج بالكامل
4- نقطع الدجاج شرايح مستطيله بعد التحمير الخفيف
5- ونعودها في المقلى ونقليها بالزبده
6- نظيف عليها شوي ملح وبهار حسب الرغبه الي انتي تبيها والطعم
7- نتركها على جنب ونشتغل بالخبز
طريقه عمل الخبز:-
1- نخلط الطحين والملح والخميره والسكر والماء
2- نتركها ساعه كامله ونص لين تخمر العجينة
3- المقدار راح يكفي 15 خبز قسميها بالتساوي 15
راح يكون رقيق لا تخافي يخترب عادي لمن تخبزيها
4- بنحتاج صاج تيفال او اذا ما عندكم مو مشكله في مقلى تيفال مو مخدوش او شي حتى ما يحترق الخبز
5- نفرد العجينه الي قطعناها وكورناها وفردناها مو مهم يكون دائري تمام الي يصير خفيف
6- نخبزه وبين كل خبزوخبز لازم ننظف الصاج حتى ما يحترق الخبز ويصير اسود ومر طعمه
7- بعد ما خبزناهم طبعا الخبز نوعيته خبز الجباتي بدون دسومه ولو يكون على الفحم بعد أفضل
8- ناخذ الحين الحشو ونحط الخس والصلصل والمخلل ونلفها عادي
9- الشكل الاخير لها
بألف عافية