طريقه للقهوه لذيذه مين تساعدني

حبيبتي لاتنحرجين ولا شيء انا باقول لك على طريقة عمل القهوه والله العظيم ان جيراني كلهم مايبغون إلا قهوتي
اولا . انا احمس البن في البيت بن السوق ما احبه نهائي .
ثانياً . خذي براد البن وحطي فيه مويه للنصف وبعدين حطي فيه ست ملاعق شاهي بن وملعقة جنزبيل مطحون
وشوية عويدي .
ثالثاً . اتركيها تغلي على نار عاليه لحد ماتبدأ تغلي ثم ضعي عليها خلطة الريان ملعقة صغيره ثم ارخي النار تحتها واتركيها تطبخ لمده ثلث ساعه .
رابعاً . ضعي في الترمس هيل وصبي القهوه عليه وبالعافيه .

السلام عليكم ورحمة الله وبركاته
تعتبرالقهوة العربية من اكثر المشروبات شهرة في الخليج العربي
واليوم راح اعمل لكم دلة قهوة من مطبخي بس بشرط عليكم الحلى.
كثير منكم راح يقولون مين مايعرف يسوى القهوة .............. لكن الطريقة تختلف من بيت لبيت
واليوم حبيت اوريكم طريقتي بالصور..
نبدأ
تقريبا لتر من الماء يوضع في أناء صنع القهوة ان كان براد او ركوة او ....اني ثينغ.
3 ملاعق بن .......طبعا نوعية ممتازة وانا افضل اللون الوسط.
شوية قرنفل وشوية شيبة ((هو عبارة عن لحاء الشجر ....انا ما اعرف له اسم ثاني بس تلاقية عند العطار )) وشوية
زعفران وشوية هيل ...........ممكن يوضع الهيل في ثلاجة القهوة او الدلة .وممكن تخليه يغلي جربي الطريقتين
وشوفي ايش اللي يناسبك انا عموما احطة في الدلة.....على فكرة انا ماحط هيل مع قهوتي اليومية لانه يجيب غازات
وينفخ البطن ويثير القولون..لكن احط هيل لما يكون عندي ضيوف.
أخليكم مع الصورة
نخلي القهوة تغلي على النار كل ماطولت كل ماطلعت احلى....
أخيرا نسكب القهوة ف الثلاجة او الدلة وتقدم ...
بالعافية...

طريقتي زي الي فوقي بزبط ياعسلز
والافضل البن ينحفظ بالفريزا عشان يحفظ نكهه القهووه
انا كل لتر احط 3 ملاعق او 2 بن واحب اكثر اللزنجبيل
وع الدله احط هيل وقرنفل وشوي قرفه وزعفراآآن
وعوافي عليكم

الجنوبيه
اي براد يعني كم كاسه مويه لاني البراد يختلف
وخلطات القهوه من وين احصلها
الله يسعدك ياليت تفيديني
ملح الدنيا وودوشقاوه
وربي جربت طريقتكم وماضبطت حتى زوجي واخوي ماعجبتهم ولا انا عجبتني
مدري وين العله بالبن الي استخدمه ولا كيف
انا البن الي استخدمه الخولاني

ياعسل بقول سر القهوه حتى لو نوعيه القهوه مو مره بس اهم شي تكون مطبخوه مظبوط مو مويه هذي ياعسل مخلط القصيم يخلي القهوه عذاب وادمان وشي فوق الوصف الي يشوف قهوتك يقول حاطه زعفران بس هي عباره عن مخلط كامل بس حطي ملعقه صغيره مليانه بعدين شوفي فنجالك اذا اللون طالع والطعم حلو تمام ولا زيدي على حسب رغبتك انا احيان احط ملعقتين وهيل مطحون طازج وسلامتك على فكره المخلط موجود في كل مكان عند العطارين والسوبرماركت ولاتنسيني من الدعاء كل ما تقهويتي اذكريني بدعوه حلوه وان ربي يحقق الي في بالي امين

انا ما تزبط معي القهوة الا بخلطة القصيم
بس قالوا لي ان اغلبها صبغات وضارة بالكبد
فبطلتها ..

اهي اهي
انا مااحبها ولااعرف اوزنها
ناس تحط بالملعقه وناس بالفنجان <<<نفسي في قهوه كايفه والكل يسالني عليها
ام
بعدين الثلاجات <<او الترامس <<<او الدله <<<لها مقاسات في وسط وفيه كبيره
نبي وحده تكتب لنا وصفتها الحلوه الراقيه وايش المقادير مع كميه الماء ومده الغليان <<<ولها جزيل الشكر

بسم الله الرحمن الرحيم
برائحة الهيل الهندي والبن اليماني أرحب فيكن وأقدم لكن قهوتي مثار إعجاب وغيرة وسؤال الاخرين
يا لله صبوا هالقهوة وزيدوها هيل واسقوها للنشامى عا ظهور الخيل
أولا يجب الالتزام التام بالخطوات والمقادير واللي ما تلتزم قسم ما عاد أعطيها الطريقة خ
ثانيا تحطون يا طويلات الاعمار ملعقتين كبيرة بن +ملعقة صغيرة خلطة القصيم+فصين مستكة +قطعة واحدة شيبة مخرف خ طبعا موية مغلية وعلى نار عالية لين ما تغلي ثم تخفضون النار عليها مرة كأنك بتطفينها وهذا سر نجاح القهوة ....
تتركينها لمدة لا تقل عن نصف ساعة ثم تطفينها وتتركينها خمس دقايق تهدا بعدين تشيلينها بحذر شديد.حشا ما صارت قهوة وتصبينها في الترمس تكونين حاطة ملعقة كبيرة هيل مطحون خشن وبالهنا والعافية
بالله إذا عجبتك بشرينا وادعي لنا

طريقتي بالقهوه اللي اتمنى تعجبك
طبعا المقدار حق ترمس وسط <<اللي حجمه لتر
اول شي حطي مويه بالغلايه حتى تغلي
بعدين حطي بالبراد ملعقتين كبيره قهوه<<الخولاني من افضل الانواع ولازم تكون وسط الى غامقه الفاتحه ابد ماتعجبني
ونصف ملعقه صغيره زنجبيل وملعقه وسط خلطة القصيم وصبي عليها المويه واتركيها تغلي 10 دقايق او اقل (8 الى عشر دقايق<<لان الويه مغليه)
على ماتطبخ القهوه اطحني كميه مناسبه من الهيل طحن وسط وحطيه بالترمس وصبي القهوه فوقه
اتمنى تعجبك الطريقه وتعطيني رايك اذا جربتيها
وحبيت انبهك افضل شي القهوه تسويها قبل التقديم مباشره لان اذا طولت بالترمس يتغير نكهتها