طريقه مرق البااميا ساعدوني

شوفي حبيبتي انا جربت طريقة بامية لذيذة مرة وسهلة وكل من ذاقها عجبها الطعم وقالو روعة
بامية منظفه ومقطعه الراس بشكل مخروطي فهمتي يعني مو تقطعينه قطع تقشرين الراس (هالشي علشان مايصير المرق مطاطي)
1 بصل + 4 فصوص ثوم + 2طماطم .. مقطعين صغار
3 ملاعق زيت نباتي + 2 ملعقة صلصة طماطم
1 ملعقة شاي ملح ليمون (اذا تحبيه حامض زيدي الكمية) .. ملح الليمون عشان ماينمط المرق
ملح + فلفل أسود
الطريقة:
اول شي حمسي البصل والثوم بالزيت وبعدين حطي الطماطم واطبخيه شوي واضيفي صلصة الطماطم وقلبي وبعدين حطي مويه مغليه تقريبا 4 اكواب لكل كيلو بامية وحطي الملح والفلفل الاسود وملح الليمون وانتظري لين يبدأ المرق يغلي (لازم يغلي) بعدين حطي الباميه وغطي القدر وخليه على نار هائة.. وشيكي عليها كل فترة بس لا تقلبيها بالملعقة بس اضغطي عليها بظهر الملعقة لأنك اذا قلبيتها كثير البامية تنفتح وتطلع مصارينها ههه زوجي كذا يقول
بس 40 دقيقة على نار هادية وتصير عندك بامية تجنن وطعمها حامض ولذيذ
هالوصفة انا جبتها من كتاب اطباق تركية بالمائدة السعودية
والله مااقدر اوصفلك قد ايش نفعني هالكتاب طبخاته سهلة ومميزة وبنفس الوقت متعارفه عليها عندنا
يلا جربي الطريقة وخبريني

جزاك الله خير..
ماقصرتي غلاي..
بجربه بكرا ان شاء الله ..>> بس بزيد قطع دجاج معه...
واقولك ايش صار...
مشكوره غلاي...

الحمد لله جربته >>>> نفس طريقتي من زمان ..
والحمد لله ظبط...
ام نوف ...
الله ينولك، اللي في بالك، ويسعدك، وييسر كل امورك..
وانتي بعد يااميره،...

يسلمو بجربها اليوم انشاءلله بس بدون ملح الييمون