طقاقات جده

1. انا فرح اختي كان قبل كم يوم وطبعا تعبنا واحنا ندور مطربه حلوه ,

مساء الخير

انا فرح اختي كان قبل كم يوم وطبعا تعبنا واحنا ندور مطربه حلوه ,

دلونا على وحده اسمها ريم الاهدل ورحنا سمعنا صوتها مو بطال يعني صوتها يمشي الحال
,بعدين الا العالم كلها تمدح في سندريلا وانها تخلي الليله شئ ماحصل والله رحنا لها بيتها وسمعنا صوتها الصراحه انها خطيره واتفقنا معاها على اساس انها بالطيران والدريمز بعدين اختي غيرت رايها وقالت تبغى تجيب اورج ومعاها ولد يغني من بره
الصراحه احنا كنا حاطين في بطننا بطيخة صيفي ومتأكدين انها راح تخلي الفرح شئ ماحصل لدرجة انا اشتريت جزمه كعبها واطي عشان الحق على الرقص
اسفه على الاطاله
وصار الفرح والله يااختي الله لا يوفقها اول شئ جات بدون البنات الا يرددوا معاها قال اي مزكمين
ثاني شئ يابنت هيا في واد والموسيقى في واد شئ مو معقول تطلي في الكوشة ولا احد مابيرقص حاولت اطلع انا واخواتي ماني عارفه ايش المشكله والله سوت فينا حال الله لا يوريكي
وبعدين غنت اغاني قديمه معفنه والاغنية تعيدها مرتين ,تخيلي غنت اغنية اغاني قديمه من عام الفيل
نطلبها الاغاني الجديدة تقول طيب وتطنشنا
وبعدين بقولكم شي جات لابسه حديدفي يدها وعينها على صدور الحريم هنا وهناك
شي يفجع ويخوف بصراحه خوفتنا
تخيلي اختي كانت متفقه معاه تعمل مفاجأة لماما وتغنيلها اغنيه بعد الزفه وانا اءشرلها وهيا تغني في اغاني محد فاهمها لحد تخيلي ما راحت العروسة لحد عندها وقالتلها بسرعه غني الاغنيه الا اتفقنا عليها
والله يااختي نصيحه الدي جي مافي احلى منه على كيفك ومرتب