طلب صغير قد النقطه ممكن يافراشاتي

هاي حبايب قلبي
كيفكم ان شاءالله بصحه وعافيه ومبسوطين
المهم حبايبي ابغى منكم طلب مره صغير قد النقطه واتمنى انكم تساعدوني فيه
انا زواجي في عيد الفطر وابغى اسوي الطرحه اللي تجي مربوطه زي حق القراصنه بالضبط
لاني ابغى اودي الصوره للكوافير اللي بروحلها لاني مهما شرحت لها ماراح تضبطها ليا
في جده سوتها بنت خالتي في زواجها وطلعت تجنن وانا مره سويتها في زواج ولد عمتي
خيال طبعا سويتها تركواز بلون فستاني بس مو طرحه طويله لاني مو عروسه لا بس سوتها ليا
الكوافير بقطعة تل صغيره على قد راسي بس مافيها شي نازل وزينتها ليا بكرستالات واشكال تجنن وطلعت روعه
حتى في الزواج والله كم وحده جاتني تسألني انتي عروسه واستحيت وانا ارد عليهم واقولهم لأه ههه
يعني في جده مليون محل يضبطها لك بس هنا في الشرقيه ماقد شفت احد مسويها واخاف انو الكوافير ماتضبطها ليا
فياريت اللي عندها صور للطرحه بالشكل اللي ابغاه تنزلي هيه لو ماعليها امر
او اللي تعرف الكوافيرات اللي يضبطوا الطرحه بالشكل دا تقولي عليها طبعا هنا في الشرقيه بس في الخبر والدمام
واكون شاكره لكم حبايب قلبي على المساعده
ربي يسعد كل فراشه