وينكم يا بنات جده بسرعه لاتسيبوني

اهلين وسهلين بالمفرفشه لاتتوتري ولا تشيلي هم انا زواجي بعد شهرين ولفيت كثير محلات وحقلك عليها كلها اول شي روحي جده مول فيه محلين فساتين افراح رهيد بس غالي شويه وفيه محل اسمه (دمتريوس) في الدور الثاني فيه فساتين حلوه مره واقل شي عنده ب6 شفه عنهد واحد بسبعه مره ناعم وحلو
وفيه عندك في شارع الامير سلطان 3 بوتيكات
1 العروسه الجميله
2وبوتيك حواء(a&a) تجنن فساتينهم ولايغرك بوتيك يعني اسعره غاليه كلهم عندهم تخفيضات على الفساتين تبدأ من 3 وفوق وفيه وبوتيك فايزه بس ما اعرف وصفه بالضبط بكره اجيبه لكي يعني اول شي لفيهم كلهم بعدين ارجعي للي يعجبك اشتريه ماراح تندمي وصدقيني حتعجبك وحتشتري.. اتنمى اني افدتك رديلي ايش يصير معاكي لا تنسي..

مبروك مقدمآ في محل اسمه زهرة الوتس في الحفني مره حلو وأسعاره مناسبه

سوق اليمامة ... لفيناه في الصيف ... صراحة في عنده شغلات حلوه ...وبأسعار مناسبة مرة
ومو بالضرورة تاخذي شي موديله جاهز ممكن تضيفي له شي من عندك وهم يعدلوه لك زي ما تحبي اشوف كذا أفضل ...

يافراشتنا لاتشيلين هم ولاغم في محلات كثير بجده لكن يمكن ذوقك صعب شوي
في بالتحليه بجده مول مثل ماقالت الاخت فيه شغلات حلوه مرره وفي مصممين بالحفني بالدور الثاني شغلهم مره رائع وفي بشارع سلطان بن عبد العزيز بوتيك شادوا وعندك شمال سوق النجار المصممه زاكي عبود اذا ماناسبك شي من الجاهز يمكن تلجأين لها بعد الله غلاتي كل شي يهون لاتفكيرين كثير وفي النهاية مثل ماتقول امي الله يطول بعمرها القالب غالب
طمنيني عليك وعلى اخبارك وانا بالخدمه ؛؛؛

الف شكر لنوني و نانا مون وام الاسامه انا رحت الاماكن اللي قلتو عليها بس اليمامه ما رحتو لانه رحت قبله بوتيك فايزة والحمد لله اشتريت واحد مرة كان عاجبني بس عملتلي خصم كويس موديلو شيك وتطريزو فخم ,واهم شي انو مرتاحه فيه بس في خاطري اعرف اليمامه فساتينهم فخمه وتطريزها روعه الا لا؟صراحه في خاطري اني ماررحت ........وسوسه شيطان اعوذ بالله.......بس انا اخذت الفستان ب 7800 مع الطرحه وزياده اكمام هوا كان ب10500 ,والحلو في بوتيك فايزة انك بعد الفرح تقدري تاجري فستانك عندهم بملغ معين وكذا تفيد الوحده غيرها وتستفيد اذا حابه واقولك يا نوني روحي وشوفيها عندها حاجات جنان لاتفتك بضاعتها مرة شيك احلى من مي فتياني كمان وشكرا على تعاونكم جميعا ماقصرتو

رحته يا قلبي ورحت مي فتياني صح كلامك عندها تشكيله اكبر واحلى بس انا خلاص فصلت فستان لانوا عجبني موديل في النت واخذته, وحلو سعر فستانك ومع الطرحه كمان ومره حلوه فكره الايجار حتفيدك كثير بدل ما يقعد مرمي في الدولاب الله يوفقك انشالله
بس ماقلتيلنا زواجك في جده ومتى؟

زواجي في جده اكيد ان شاء الله في القعده في فندق الحارثي وانت متى وحجزت القاعه انا رحت قاعات كثير ....اي خدمه وما قلتي فين فصلتي الفستان وكم سعرة صحبتي كمان تبغى تفصل

ألف مبروك حبيباتي ...
وكويس انه سبقوني البنات وافادوكي ... وطلعتي بنتيجة ..
أصلا بيني وبينك انا ما اعرف في البوتيكات لأني ماقد عمري دورت على فستان زواج والا ملكة ...
لأنه لساتي بيت أهلي... بنوتة
يلا ربنا يتمملك على خير ...

شكرا يا فراشه وعقبالك يارب