طلب صغير كيف اسوي جريش ما اعرف

هلا عزيزتي ما اعرف اذا الجريش هوا الهريس ؟؟
انا بعطيكي وصفة الهريس واتمني تكون هيا نفسها الجريش
الهريس
اولا المقادير:
1- حب هريس
2- حبة دجاج ويفضل لحم ..ولكن الجود من الموجود
3- ملح
4- سمن
5- شنه وهذه اختياريه لاضافة نكهه
الطريقه:
1- ينقع الحب في الماء لمدة ساعتين او اكثر.
2- يسلق اللحم بدون ملح لمدة 10 دقائق ويستبدل ماء السلق للتخلص من
الدهون والزفرويترك حتى ينضج ويتفسخ اللحم من العظم وبعد ذلك يزال العظام
من اللحم ويعاد الى القدر.
3- يفرغ الحب الى القدر مرة واحده مع الاخذ بعين الاعتبار كمية الماء تعادل ثلاثة اضعاف الحب.
4- يغلق الكاتم واحسب ساعه من تصفير البلف او يزيد.
5- افتح القدر وهنا ياتي الدور الاساسي وهو الضرب بالمهراس لهرس الحب واكتسابه
قوام الهريس واختلاطه بامشاج اللحم لتشكيل قوام متجانس وهو شكل الهريس كما يتم
اضافة الملح في هذه المرحله !
ملاحظه : هذه العمليه لابد من تطبيقها مباشره بعد انزال القدر من على الضو ... حيث يصعب عمل
ذلك بعد ان تبرد المكونات .... وذلك لسرعة تجمده .
التقديم:
يفرغ الهريس في صحن بطريقة فرشه بالصحن وتثخين الاطراف ثم
عمل فوهه بالوسط لصب السمن والتغميس فيه.
منقوله

مشكورة عزيزتي
لكن هذا الهريس
واعرفة
لكن اللي بغيتة الجريش
وجزاك الله خير على الطبخة شهيتيني اسوي هريس
يعطيك العافية تسلم يدك

]إيش رأيك باللي يعطيك ألذ وأطعم طريقة للجريش؟؟؟؟؟؟؟

اغسلي ثلاثة أكواب من الجريش المجروش+كوب من الرز المصري وارفعيه على النار :ساعتين على نار قوية مع التحريك المستمر وأضيفي الماء باستمرار حتى لايحترق . في قدر آخر ضعي اللحمة ويفضل لحمة الحاشي مع (الزنجبيل الطازج+الجزر+ورق غار+حبات من الهيل والقرنفل)عند نضج اللحمة أضيفي القطع بالشوكة إلى قدر الجريش بحذر ثم صفي المرق وأضيفيه إلى الجريش وضعيه على نار خفيفة لمدة ساعتين أخريين وتحريك مستمر ، يضاف الماجي الأبيض للحمة والجريش كلٍ على حدة ولا تضاف البهارات .
ماهو سر الجريش؟ السر في الطبخ الطويل لأكثر من أربع ساعات وتحريك مستمر ،بعد الاستواء يسكب في الصحن وتساوى اللحمة في النص وتزين بالبصل البني وترش باللومي المطحون.
وألف صحة وهنا
3

الفراشة
مشكورة اختي الفراشة
شكلها روعة الطريقة
ان شاء الله راح اجربها
لكن تعتقدين ما يضيفو لها قليل من اللبن يعطي طعم للجريش
لاني اخذت طريقو يضاف اليها اللبن

هذا الجريش الكذاب >> بس لذيذ
المقادير:
علبة شوفان كويكر
2 مكعب ماجي
بصله مقطعه قطع صغيرة
علبة معجون طماطم
كمون ، كاري ، لومي أسود ناعم>> رشة لاتكثرون
>> ممكن استخدام اللحم أو الدجاج
الطريقة :
* تحمسين البصل بالدهن لما يشقر لونه ،، بعدين تحطين عليه معجون الطماطم
وتحمسينة عدل
* تضيفين الماجي والبهارت وتحطين عليه الماء
* تحطين الشوفان وتقلبينه وحاولي يكون الماء كافي
* تخلينه على نار هاديه لمدة ربع ساعه مع التقليب المستمرعلشان مايتكتل
* وقت التقديم : تحطين عليه شوية زبدة وبصل مقلي
وبالعافيه
وهذا الجريش الاصلي 100%
تجيبي دجاجة تنظفينها وتسلقينها زين مع الملح بها رات مطحونه (ملعقه طعام من الكمون المطحون ونصف ملعقه من الفلفل الاسود .2 مكعبات ماجي. 1 ملعقة طعام ملح خشن.
خليها تنسلق زين ربع ساعة تقريباً عشان تنتفينها بعدين
بعد ما تبرد نتفي الدجاج وخليه على جنب
تكونين منقعة كوب جريش وزيه رز ( أي نوع أنا أستخدم )
عادة أنقع الجريش من الصبح
ألحين جيبي قدر الظغط
حطي فيه شوي زيت وبصل مقططع صغير
شوي ثوم
وخليهم لحد ما يتحمروا
بعدين حبة طماطم حجم وسط قطعيها صغير
وحطيها على الكشنة
ألحين حطي الدجاج المنتف والجريش المنقع والرز على الكشنة
صبي مرق الدجاج ( اللي سلقت الدجاج فيه
حطي مكعب ماجي وشوي ملح وبهار
صكي القدر وخليه لحد ما يصفر
خفضي النار على اآخر شئ
وأحسبي له نص ساعة
بعد النص ساعة طفي النار
أفتحي القدر حركي الجريش زين وأهرسيه ( أصلاً بتلاقينه مهروس
جيبي علبة زبادي وكوب لبن
وصبيهم على الجريش
حركيه زين وصكي القدر
خفضي النار على الآخر وأحسبي له نص ساعة ثانية
وخلالالالاص
بعد النص ساعة يكون الجريش جاهز
أغرفيه وحطي عليه المسمنة
( المسمنه:
بصله كبيره مفرومه مع فصين ثوم وجزره صغيره كلهم مفرومين بفرامة البصل
وحطيهم عالنار وحمسيهم بزيت لا باس به الين يذبلون ويصير لونهم بني واضيفي ربع ملعقه هيل وملعقة لومي ونص ماجي
وبالاخر ملعقة صلصه و10 دقايق وطفي عنها وبس )
وحطيها علي الوجه
وممكن تحطي كشنة بصل مع سمن
وجربيه
هذي طريقتنا المعتمده
بس جربها واذا عجبك ادعي لصاحبة الموضوع

مشكورة عاشقة القلم
ما قصرتي والله
شكلي باجرب الطريقة الثانية لاني احب الاصلي

تسلمي على الموضوع الحلو

طيب اختي كم كمية الماء يعني اذا حطيت الماء وحركته مع الجريش يصير خفيف وإلا ثقيل