طلبتكم ابي حل

مشكلتي بكل بساطه سلايفي جابولي الهم والسبب اني صادقه لابعد حد بس هم كذابين
خاصه وحده فيهم الكبيره طبعا والله يابنات مسيلمه الكذاب ما مات بس بصوره انثى وعلى جهل وقله ثقافه كمان
المصيبه اني ساكنه معاها في نفس العماره........ احاول انقل بس الظروف ما تساعدني
امانه يابنات اللي عندها المشوره كيف اتعامل مع انسانه زي هذه تشور عليه لا تبخلو
مامي تقول هذه غيرانه منك................. وحماتي تقول خليك احسن منها........... وترى حماتي لها يد في التنكيل بيننا
وحماتي ساكنه معانا........ شوفتو الهم اقصد في نفس العماره وترى حماتي كمان نفس التصرفات...... بس هذه نتجاهلها لانها ام زوجي ايش اعمل......... وزوجي يعرف كل شئ ما اخبي عليه ابدا
اخرتها سلفتي تغير رقمها وماترسل لي الرقم الجديد ومره تقابلنا على عزيمه ارسلت لاختها رساله عشان تدق عليها ولما كلمتها صارت ترفع صوتها وتقول انا سويت فورمات لجوالي ومابقى الا رقمك انتي واخويه
( اياك اعي واسمعي ياجاره ) يعني افهم انها ماارسلت الرقم لانها سوت فورمات....... غباء .........الجوالات العاديه فيها اعاده ضبط المصنع وهذه على خبري تمسح المكالمات وليست الارقام وبعدين رقمي مسجل عندها في الشريحه لانها غيرت جوالها 3 مرات ورقمي معاها كيف اتمسح والمصيبه انها ارسلت رقمها لاختي ..... كيف ؟ جوال اختي ما اتمسح كمان
اه يا ناس كذابه انا ناويه اغير رقم جوالي كمان .......ايش اعمل كيف اوصل لها رقمي بطريقه خبيثه
دلوني بنات كيف اتصرف مع هذه الانسانه هذا اذا كانت انسانه
وعندي قصص كثيره بس توجع القلب بلاش عشان ما اتعب