عرفت سر نكهة الشاورما

اهلين بالشيفات كيفكن ... << شيفات = طباخات >> لاتفهموني غلط
ابدخل بصلب الموضوع وماراح اطول عليكم ...
ياطويلات العمر هذاك اليوم كنت اتمشى بكارفور الا وأمر من عند كشك البهارات وشفت بهارات مكتوب عليها (بهارات الشاورما ) قلت يابنت ليش ماتجربينها ..
المهم اشتريت ربع كيلو علشان اجربها وطلعت خطيرة ..
ابقوللكم المقادير الي سويتها ,, طبعا اول شي انا سويت صوص الثوم وطلع خطيير ماشاء الله نفس الي يحطوونه بالشاورما ... << انا بصراحة شوي وانهبل ماادري وش هالقرامة الي نزلت علي !!
طيب طيب ادري تبون الطريقة ,,,
اولا: صوص الثوم ..
بطاطس مسلوقة ومقشرة ( حسب الكمية الي تبين )
مايونيز << بنات لا تسألوني عن الكمية الي حطيتها وربي مااتذكر لأني كنت كل شوي ازيد ثووم ومايونيز ...
فصوص ثوم
عصير ليمونة + ذرة ملح
الطريقة :
نقطع البطاطس ونحطها بالخلاط ثم نضع عليها المايونيز ( وكثروا المايونيز شوي ) ونحط عليها الثوم وعصير الليمون والملح ونخلطها مع بعض ...
ملاحظة : لازم تصير الخلطة خفيفة شوي مثل المايونيز ويصير لونها ابيض ...
نجي لطريقة الشاورما ...
المقادير ..
فيليه دجاج مقطع مكعبات صغيرة
بصل مقطع صغير
اصابع بطاطس مقلية
مخلل خيار
خبز مفرود
ملح + بهارات الشاورما
كاتشب
الطريقة "
نحمس البصل مع شوية زيت على النار في مقلاة ثم نضع عليه الدجاج مع مراعاة ان النار تكون عاالية ..
نضع عليه البهارات والملح وكل شوي نقلبه حتى ينضج..
اذا نضج الدجاج نحط عليه شوية كاتشب ونقلبه لمدة دقيقتين على النار وبعدين نطفي النار .
وبعدين ندهن الخبز بصوص الثووم ونحط عليه الدجاج والبطاطس والمخلل واذا تحبون ممكن تضيفون خس ... وبالهناء والعافية ...
اعذرووني لأني مااحطيت صور بس توها تطري علي اعطيكم الطريقة << ولا كنت ناوية احتفظ بالسر بس قلت احب لأخيك ماتحب لنفسك ..
عاد لاتنسون تدعون لي بالذرية الصالحة