عروسات افزعوا معي

سوي حمام مغربي مرا تمام
اعرف جارتنا كيدا مرا اتقلبت الواان
سوت حمام مغربي جابت حرمه

اشتري ساونا واستعملي صابون سائل المغربي
ودائما رطبي جسمك وبشرتك بلوشن

الدلكه السودانيه مره ممتازه
الحمام المغربي ممتااز كماان بس انتبهي لاتدخل بسونا لانك نفااس
بس بللي جسمك بمويه حااره وحطي الصابون الموهم اسونا لا

لا اله الا الله محمد رسول الله

ياعسل السمار مارح يروح في يوم ولية يعني انتي عانيتي منه 9 شهور وراح يخذ وقت بس لازم تهتمي وراح يخف باذن الله شوي شوي
ياعسل لازم كل يوم تاخذي شور لجسمك مرتين في اليوم وتفركي جسمك باليفة المغربية او لليفة بودي شوب اللى على شكل يد
واشتري من العطار صابون مغربي ربع كيلو او نص واستعملى
في وصفة انا عاملتها لي شهر عليها هي صح مافتحت جسمي مرة بس عملتلى شغلة مر رة حلوة انو خف الشغر بالمرة في جسمي وانا باذن الله راح استمر عليها مو عشان التفتيح لا عشان الشعر والله وناسة الشعر ماتطلع كثير الحمد لله
صابونة وحدة تبشريها (اي صابونة انتي تحبيها انا استعملت صابونة الاطفال جونسون الحجم العادي مو الكبير)
ماء ورد القارورة كاملة
4 ملاعق زيت زيتون
4 ملاعق زيت جلسرين السائل
3 ليمونات حجم وسط
الطريقة
تبشري الصابونة وتنقعيها في ماء الورد العلبة كلها واو تزيدي كمان نص علبة ثانية يعني علبة ونص اتركيها من الليل الى الصباح او 12 ساعة عشان يذوب الصابون
جيبي قدر وحطي في موية حارة وفوقو صحن زجاج او قدر ثاني بس اهم شئ يكون ستن ستيل الفكرة هي انو تعمل حمام بخار زي لمن تسيحي الشكولاتة فهمتيني اوكي ذحين نحط الصابون المنقوع في ماء الورد وتقلبو الين يذوب مرة ويصير سائل بعدين نضيف 4 ملاعق زيت زيتون و4 ملاعق جلسرين سائل ونقلب كويس وبعدين نطفي النار وشوي نضيف الليمون بعد مانعصرو ونقلب تمام اي لازم نستعمل ملعقة خشب وبعدين حطي الخليط في علبة زجاج واحتفظ بها في الثلاجة وقت الاستعمال خذيها من التلاجة وادهني جسمك بيها هي راح تكون زي الكريم وراح تمتصة البشرة وخليها 4 ساعات او اكثر لو تنامي فيها مافي مشكلة وبعد كذا خذي حمام دافي مرة وابدئي افركي بالليفة المغربية وعد ماتكوني بللتي جسمك بالماء راح يطلع صابون مو لازم تضيف صابون ثاني وبعدين رطبي جسمك
ان شاء الله اكون افتك فيها
وفي وصفات ثانية زي
تاخذي 3 ملاعق رز مصري وتطبخي في كاسة موية لين الموية ماتاخذ خلاصة الرز وتصفي الرز من الموية وتحتفظي بماء الرز وتغسلى فيها وجهك وجسمك وخلي من نص ساعة الى ساعة الا ربع واغسلي جسمك مرة يفتح الجسم مع الاستمرار
ولوجهم كل يوم اعملى في الصباح ملعقة صغيرة لبن زبادي مع ملعقة صغيرة عسل مع ربع ليمونة وخليها ساعة على وجهك ورقبتك واغسلي
وفي الليل
رز مطحون ناعم اشتري جاهز مطحون زي حق المهلبية فهمتيني
حبة البركة مطحونة
هذا لازم كل يوم تعملى جيبي قدر حطي في فنجال شاهي موية وملعقة زر مطحونة وقلبي على النار لين يغلى وبعدين ضيفي نص ملعقة حبة سودة مطحونة وقلبي شوية وحطي في صحن وروحي غسلى وجهك وبعدين حطي وهو دافي على وجهك ورقبتك واذا تبغي ممكن تحطي في اي مكان تبغي حتي الاماكن الحساسة امن جدا جدا
والله العظيم اني لى على النظام هذا اسبوعين والحمد لله بشرتي فتحت وفيها لمة حلوة
هي صح متعبة كل يوم صباح وليل بس هذا الكورس شهر كل يوم بعدين ان شاء الله راح اعملو مرتين او ثلاثة مرات في الاسبوع
زيت اللوز المر مع الاستمرار اقل شئ 3 شهور يفتح البشرة بس لاتتعرضي للشمس او حرارة او اضاء قوية
واذا تبغي شئ ثاني راسليني وان شاء الله مارح اقصر معاكي
ادعيلى انو ربي يشفيلى ولدي
موفقة

سوي حمام مغربي
جيبي طاسه وفيها مويه حاره عشان يصير حار الحمام وتتفتح مسامك
وفركي جسمك تمام بالليفه
ولاتنسي لمن تخلصي تروشي جسمك بمويا بارده
الحمدلله على سلامتك وسلامت البيبي يتربى بعزك يارب

زي ماقالو لك حمام مغربي
خذي المجموعه المغربيه الاصليه

بالتوفيق