عزيزتي الزوجة تخيلي أنك في هالموقف وش بتسوين أكيد بتصرقعين

السلام عليكم ياحلوات............
أخواتي الزوجات الحبيبات ......
تخيلي عزيزتي..... أنكم طالعين من عزيمه أو عرس.. أنت وأم زوجك وخواته....
طبعا زوجك اللي بيوديكم للبيت والمشوار طويل شوي ... أوكي
وانتم ماسكين الطريق إلا أم زوجك ( احنا نسميها ((خاله)) وفي روايه يسمونها ((عمه)) خاصه البدو واهل الجنوب) المهم خالتك ذيك الساعه منفتحه نفسها للسواليف ومبسوطه لأنها توها مقعده راسها بكم بيالة شاهي
وتبدا تسولف على ولدها...............................
والله ياعرسهم يهبل ما شالله عليهم... ومهنا شي ماحطوه حلويات اشكال والوان و الموالح ماينشبع منهاا ابد
والعشاء عجزت أشبع منه!!.... حاطين شي يعرف وشي مايعرف
والاكلات الشعبيه (اهم شي في الموضوع) ماخلو شي ما حطوه مدري بس ماشالله من اللي مسوي هذا كله الله يحرسهم باسمه.....
المهم...........
وهي ماسكتهم مدح وشرخ.............
مادريتي إلا يوم فرت الموجه على المعازيم وبدت تسولف و تقول........................
ياملح ذوليك البنيات اللي قامن يرقص ملح وقبله وجرم (يعني جسم) كل وحدتن تقول أنا القمر....ماشالله الله لايضرهن....
أقول يافلانه...(تنادي وحده من بناتها) وش رايك بذيك البنيه أم أحمر اللي مغير ترقص وتناقز وش رايتس فيها ؟؟ نخطبها لفلان (واحد من عيالها)
كل هذا وانت تسمعين و زوجك فاتح كشرته يتسمع للسواليف مستانس و تقاطر سعابيله
وتجاوب بنتها (المسئوله) أي والله يمه لاتفوتنا تكفون اسألي عنها شوفي منهي بنته ووين تدرس....!!!
وتبدا السواليف بين الأم وبناتها عن فلانه وفلانه وذيك أحلى لاذيك أحلى.... لا ذيك جسمها مخصر ولها (.......) _______ وكلام طويل عريض مايقال قدام رجال بأي حال من الأحوال .....................................
بالله وش ردة فعلك في هالموقف؟؟؟؟؟؟؟؟؟؟؟؟؟
وش بتسوين ووش بتقولين وبأيش بتحسين؟؟؟؟
أنا بالنسبه لي صارت لي....???
واي وحده متزوجه أو غير متزوجه (تتخيل أنها متزوجه) ترد رجاء أبغا اشوف وش بتسوون لو كنتو في محلي...
الله الله بالردود