عزيمتي لمطعم تولان صور من مطبخي

*.تـــووولان.*

14-06-2022 - 09:39 pm

السلام عليكم يالغاليات
كيفكم عساكم بخير وبصحه وسلامه يارب
حابه تشوفي معي هذه العزيمه المميزه والبسيطه جداً
لشخصيه vip
وطبعا الي موجود بالطبق
رز ابيض (( تغسلين الرز ... وتحطينه بالقدر مع شويه زيت ومويه وملح وهيل ))
اما الخضار (( بطاطس وفاصوليا و بازلااء كلهم تنسلق بمويه وشوي زيت وملح ))
لما استوت البطاطس و بازلااء والفاصوليا صفيتهم من المويه
وحطيتهم بالطاوه مع شوي زبده وملح وبهارات وزعتر ناشف
(( معليش ماصورت الطريقه لاني نسيت ))
مع صلصه بيضه وهي ... زبادي وملعقه مايونيز وملح وفلفل اسود
اما (( ستيك دجاج )) مره سهل ولزيز
طبعاً صدور دجاج قسمتها قسمين
وبشرت ثوم ومع ملح وبهارات للدجاج وكمون وشوي هيل
بعدين حطيت عصير اليمون
وحطيت طحينيه السايله وهذي هي سر الخلطه
واخليهم 5 دقايق
وبعدين اجيب دقيق
واقلبهم على الدقيق
على الوجهين
وبعدين اقليها بزيت متوسط علشان اقدر اقلب الدجاجه الين ماتحمر وسط
وعلى نار هاديه
وهذي السفره بالكامل مطعمي تولان
وبطبعا ماتحلى العشاء الا بحلى ولكم ياحلى صبايا
أتمنى من الله العلي القدير انه عجبكم موضوعي البسيط هو عباره عن مكونات بسيطه مع تزين
وتصير احلى اكله
ومابي منكم الا الدعاء
بأن ربي يوفقني انا وزوجي
وييسر امورنا ولكي المثل
اللهم اني اسئلك باسمك الحبيب الكافي ان تكفينا كل امورنا مع أزواجنا وأهالينا مما يشوش خاطري ويسهر ناظري
للهم زدنا قرباً إليك..اللهم زدنا قرباً إليك..اللهم زدنا قرباً إليك..اللهم اجعلنا من الصابرين..اللهم اجعلنا من الشاكرين..اللهم اجعلنا في عيني صغيرا.. وفي أعين الناس كبيرا...
اللهم امين

التعليقات (5)

#فرحة الدنيا#

15-06-2022 - 02:01 am

الله يسخرلك زوجك يارب
بصراحه الشكل مرره روعه بس ماندري عن الطعم
بجربها ان شاءالله بس الرز مامعاه لا بصل ولا بهارات ولا شي يعني بس رز وزيت ومويه وهيل اخاف يطلع الرز ماله طعم اما الخضار ودجاج باين انها لذيذه ماشاءالله عليكي

اولاي

15-06-2022 - 04:03 am

الله يوفقك مع زوجك ... ويصلح حالنا وحالكشكلها مره لذيذه

فطوم باك

15-06-2022 - 05:04 am

ماشاء الله
تسلم الايادى
يعطيك العافية ..

*.تـــووولان.*

15-06-2022 - 08:07 am

عربجيه بس نعومه
هلا قلبو
امين يارب ولك المثل ياقلبي
افا لا والله الطعم مره حلو وخاصه الدجاج روعه
والخضار مره روعه الحمدالله
من ناحية الرز
على كيفك سويه بالي تبينه انا لاني ماأحب البصل احط شويه ثوم احمسه حمسه بسيطه
او ماحط اكتفي بطعم الهيل بعض الاحيان احط مكعب ماجي بس كنت انا حابته مره ابيض
لان مع الصلصه والخضار بيطلع طعمه مره روعه
وعلى العموم على حسب طبختك والي تحبينه ياقلبو
وشاكره لك مرورك ياقلبو واي سؤال انا موجوده ياعسل

*.تـــووولان.*

15-06-2022 - 09:08 am

صبايا الي ردو شاكره لكم مروركم والله
ويعطيكم الف عافيه
والله يوفق الجميع يارب ياكريم

كتف خروف←
دجاج مشوي→