عسى ما ازعلتك البارح

عسى ما ازعلتك البارح
عسى ما أزعلتك البارح وزودت الجراح جراح
عسى مامرت الدمعه على أهدابك من اسبابي
جرحتك من كثر شوقي وخليت الكلام رماح
ولا أدري اشلون يا عمري طعنتك حيل بعتابي
بدون شعور صدقني ترى كثر الغلا ذباح
تعال وشوف بغيابك غلاك أشلون سوابي
حرام تغيب من عمري وتعطيني الفراق وشاح
حرام الدمع في عيني مناديله بأهدابي
غيابك يشغل عيون الزوايا وأمتلي اشباح
وأنا أنثر صوتك بقلب المكان وأشعل أبوابي
تلفت للأمل دام الرجا في عمري المرواح
وأناديك ولو شرة وصولك تقطع أعصابي
أبيك االجاي من عمري أنا ما أبيك شي وراح
ما دامك أجمل وآخر ما دامك أول أحبابي
أبي أرتاح يا عمري أنا أدري هم تبي ترتاح
تعال وقبل ما أفرح ترى تفرح بك ثيابي
احبك يا بعد عمر الحزن والجرح والافراح
احبك كثر ما نامت عيونك داخل أهدابي ..