غدانا البارح

شلونكم حبايبي
اليوم سويت اكله لا هي كشري ولاهى مجدره ولاهى صياديه
هى تشبه الكشري لانى سويت معها الدقه ..
وتشبه الصياديه لانى حمست البصل وحطيت قطع دجاج ... وصاير شكلها كنها صياديه
وتشبه المجدره لانها بس رز و عدس ...
المقادير :
شرايح بصل على شكل هلال - كاس عدس اسود مغسول ومنقوع - 2 كاس رز بسمتى او امريكي (هنا بسمتى)
2 مكعب ماجي - صدر دجاج - 1 ونص م ك صلصه - م ك خل - خولنجان - شوى بهارات - ماجى ابيض
الطريقه (بختصر الصور ) :
نحمس البصل بالزيت لين يغمق مره بس مو يحرق
وبعدين حطى الصلصه والخل وحركى شوى وبعدين حطى قطع الدجاج
والبهارات والماجى والخولنجان والماجى الابيض وقلبي لين تخلط
وبعد التقليب (10 دقايق) حطى العدس وقلبيه كويس
وبعدين حطى 4 كاسات ماء
وخليه يطبخ لين يستوى الدجاج
وبعدين حطى الرز (ضبطى الملح والمويه ) وخلي النار عاليه لين يشرب الرز المويه
(يصير خروم بالوجه) ذوقي الرز وشوفي هل قاسي اذا قاسي زيدى مويه شوى عشان مايعجن
اذا لا طريه قصري النار مره وخليه يشرب باقي الرز
وبعدين البصل عالوجه : غمسي الشرايح بطحين وقلبيه بالزيت يصير يقرمش
وهذا الرز من قريب
الدقه : ماخذتها من موقع ومره لذيذه
5 فص ثوم
4 قرون فلفل أخضر حار
5 حبات فلفل أحمر مجفف
1 علبة معجون طماطم
1 علبة طماطم إيطالي مقشر
1 ملعقة صغيرة ملح صيني ( أجينوموتو)
1 ملعقة طعام زيت
3/1 كوب ماء
نفرم الثوم + الفلفل بنوعيه
نفرم الطماطم المعلب بالماكينة ناعم
نضع الزيت في قدر صغير ونقلب فيه خليط الثوم إلى أن يصير أصفر
نضيف معجون الطماطم ونقلب ثم نضيف الطماطم المفروم ونقلب
نتبله بالأجينوموتو ونضيف الماء ونطبخه على نار هادئة مع التقليب من حين لآخر حتى يثقل قوامه ويقدم
مدري ليش صايره غامقه بالصوره !
وسويت معاه فاصوليا مع اللحم لانه شايب اللى عندى
وبالعافيه