عشاءي بالصور لايفوتكم

1. جبت لكم اليوم صور عشاءي وان شاء الله يعجبكم


2. ((المندي))


3. طبعا اكون مولعه عالنار حبه فحم


4. وهذا سويته قبل فتره مع بطاطس مقليه


5. ((البطاطس المفلفل بالبازلاء))

السلام عليكم ورحمة الله وبركاته

جبت لكم اليوم صور عشاءي وان شاء الله يعجبكم

((المندي))

معروف وحلو مره طريقتي فيه هي اني احط شوي زيت واحط معاه بصل وحبه ماجي وعود قرفع وحبتين هيل وفلفل اسود وكمون حب وورق غار وجوزة طيب رشه بس اقلبها مع البصل واحط الدجاج بعد ماكون نظفته وغسلته وقطعته واقلبها سوى بعدين اغطيه بمويه واضغطه بالقدر الضغط ربع ساعه وبعد
مايستوي
اطلع الدجاج على جنب واحط شويه من المرق في وعاء واحط عليه ملعقه صلصه مع كاتشب وزيت امسح بها الدجاج واحطه بالفرن وبين كل فتره احط عليه رشة زيت عشان يتحمر
وابقي شوي من المرق على جنب وعلى المرق اضيف ملعقه حليب بودره واقلبه واحط الرز المغسول طبعا والمنقوع في مويه واغطيه واترك عشر دقائق وافتح عليه

طبعا اكون مولعه عالنار حبه فحم

والمرقه الي بقيته احط عليها زعفران واقلبه وابد بالملعقه اوالشوكه احط في الزعفران وادخلهل بين الرز وهكذا وبعدين اخذ الدجاج من الفرن اوزعه في داخل القدر على الاطراف وفي الوسط احط كوب صغير فيه زيت والزيت بارد مو حار وعلى الزيت احط الفحمه واغطي القدر بسرعه واتركه شوي واقدمه وهذي صورته

وهذا سويته قبل فتره مع بطاطس مقليه

((البطاطس المفلفل بالبازلاء))

تقطع بطاطس مكعبات صغيره وتوضع على النار بمقلاه وتحمر بزيت ((الزيت مو كثير))المهم ويوم تحمر نحط عليها فص ثوم مفروم مع فلفل حار حبه مقطعه قطع صغيره((ممكن حبتين أو اكثر)) ونقلبه وبعدين نحط بصل مقطع شرائح ونقلبه الى ان يحمر البصل وبعدين نحط ملح وكمون وفلفل اسود واي بهارات تحبين
ونحط شرائح طماطم مع ملعقتين صلصه وشرائح فلفل رومي ونقلبه ونحط عليه بازلاء جاهزه معلبه او طازجه حسب الرغبه ونحط مويه ونغطيه لين يستوي وهذا شكله
وبالهنا والعافيه حياكم الله على العشاء