عشق ودلع وقرف خلاص ما ابي أتزوج

ما أبي أتزوج ما أبي ما أبي
لو يصير عمري 100 سنة وأعيش بلحالي
أحسن من اللي يصير
محاضرات مواضيع كتب
كلها تقول مع الرجل العذر إذا صار له عشيقة
العشيقة تسوي وتسوي
والزوجة مقصرة ريحتها بصل وازعاج بزران و
حرام والله بتتحاسبون على كل حرف
ما فيه شيء بالدنيا يبيح الزنا
مافيه
القران والسنة حكم الزاني الرجم وإلا الجلد على حسب متزوج وإلا لا
مو على حسب إذا زوجته موسعة صدره و (((( )))) وأنتم فاهمين ما يحتاج أكتب تفاصيل حقيرة
لازم التناصح بين الزوجين
بالله إذا الزوج مو مرتاح من الناحية الجنسية ليش ما يقول لزوجته بأسلوب ما يجرح مشاعرها
مو على طول يزني
أكثر القصص المنشورة كذب بكذب لأن المسلم الحقيقي ما يزني ما يزني ما يزني
وحتى اللي يعدد والتعدد حلال ما قلنا لأ
لكن هل نصح زوجته ؟ هل نبهها لأخطائها ؟؟
على طول يعرس والمسكينة ما تدري وش السبب وتقعد تسأل وتفتح مواضيع
وتفكر يمكن يبي كذا يمكن أخطيت بكذا
وهو ما درى عنها نايم مع الحرمة الثانية والثالثة والعاشرة
أتقوا ربكم ياللي تكتبون مواضيع منقولة مليانة كذب وتخريب وتسهيل للحرام والغلط
تعلمي ال.......
أثاث خاص ل...................
لانجري ال....................
وكأن الحياة الزوجية جنس بل شذوذ مو جنس وأكثر الأمور اللي يمارسها العشيقات هي محرمة ما تجوز حتى بين الزوجين
والشيطان هو اللي يحلي الحرام
والله إن الرجل إذا فعلا يحب زوجته بيكون وفي معها وماراح يفكر بشيء غلط
لكن اللي ما يحبها يدور أعذار من هنا وإلا هنا حتى لو زوجته ملكة جمال
وحدة من قريباتي لبست لانجري وتعطرت وكل شيء ولما جاء زوجها طنشها وراح يقرا كتب
ولا فكر يراعي مشاعرها أو يمدحها لو بكلمة
وكأن المرأة جماد ما تحس
ووحدة ملت البانيو وعطرته وجهزت شموع وقالها زوجها بسخرية والله أنت رايقة وطنشها وراح ينام
والقصص كثيرة اللي تدل على إن الزوج بمزاجه
إذا ما رغب بالمرأة لو تسوي مليون شيء ما يفكر فيها
لا تفهموني غلط
لازم على الزوجة تبذل جهدها وتؤدي حقوق زوجها قد ما تقدر
لكن اللي يتخلى زوجها عنها مو شرط تكون مقصرة أبدا
وخلوا عنكم بربرة الرجل طفل صغير و ارتمي بحضنه وصيحي وخرابيطكم
بيكون طفل مع اللي يحبها
لو تفعصينه بحضنك فعص ماراح يهتم إذا كان راسه يابس ويا كثر اليابسين