عندي عزومه ومحتاره ايش اسوي

سوي سلطه ذره وحمص وفاصوليا حمراء والمنتو الكذاب بالطماطم وحلى الشامواه ومكرونه بالبشاميل

المنتو الكذاب مره حلو سويه
وسوي المتافيخ سهله وماتحتاج وقت وكبه

مشكورات على الرد بس ممكن تعطيني طريقة حلى الشامواه

سويالخضار بالباشميل والتوست بالتونةوسلطة الفواكة ولقيميات0وفته الباذنجان

1- بسبوسة (جربيها ماراح تندمي)
كأس ونص سميد
اصبع زبدة سايحة
7ملاعق حليب بودرة
3 فناجين سكر
علبة قشطة
ملعقة بكنج باودر
فانيليا
اخلطيهم مع بعض في زبدية وحطيها في الصينية البايركس الوسط وبالفرن بعد النضج حطي الشيرة
وانصحك بشيرة قودي للحلويات العربية تلقينها في السوبرماركت في قسم الحلويات
2- اصابع التوست
توست تقطع اطرافه ويرق ثم يدهن بالجبن السائل ويحشى بالتونة المكشنة مع الخضار توضع الحشوة في الطرف وتلف بشكل اصابع وترص في صينية وتحمر وتقدم مع شرائح الليمون.

شوفي حبيبتي سوي زي البوفيه والله راح ينبهروا واكيد بتحلي في عين وليك
ماراح تخسرين شي كلها في عجينه وحده او عجينتين ..
سوي معجنات منوعه(أقماع فطاير لحم فطاير دجاج وجيب التاجر )وحطي بالوسط بيتزا دوار الشمس والا بيتزا محشية بالأطراف...
وحطي سمبوسة البف كمان يحبوها احشيها لحم وخضار
وسوي المنتو صراحه عندي طريقه شي هبلت رجالنا ذاك اليوم يوم جا دور الحريم خلصت عنهم لاني ماسويت الا صينيه وحده
وسوي سلطات منوعه
وحطي نوع صياني يعني اما صينية خضار والا مصقعه والا صينية دجاج ومايصير خاطرك الا الطيب
يعني نوعي بسفرتك راح يتجننون
طبعا هذا الأكل بس فطار اللي وقت الاذان شوفي حطي لقيمات والا جبنيه والا القروش
وحطي معاها بسبوسه والا اصابع العروسه والا سمبوسه صار محشيه جبن اهم شي حالي
وسوي خلية نحل
مع التمر طبعا والقهوه والعصير والماي وحطي طحينه
اتمنى ساعدتك وذكرتك بطبخات
اذا تامرين شي مساعده ارسلي خاص واجيك هوا يمكن ما اطل على الموضوع ثاني

هلا اختي والله يكتبلك الاجر بافطار الصائمين ...
نصيحتي لك اكتبي قائمه بكل شي ببالك .. وبعدين حددي اللي تبينه ويناسبك واللي يحبه زوجك ...
اهم شي الشوربه لحم او بالدجاج ا و غيره .....ثانيا المكرونه عاديه باللحم المفروم او بالبشاميل مثل ماتحبي اوبدليها صينيه فرن بطاطس بالدجاج ... اوخضار بالباشميل او غيره من الصواني .. ....
بعدين نجي للمعجنات سمبوسه نوعين او اكثر .. فطائر مشكله ...سبانخ .. جبن ..تونه بالخضار ..اقماع باللبنه والزعتر او النعناع ..واخيرا البيتزا صغار او ثنتين كبار ...وغيري فيها يعني وحده خضار والثانيه بالربيان او قطع دجاج محمره او لحم مفروم .....تفنني فيها ..
والمقبلات حطي لهم محشي خضار مشكل وسبكيها بالصلصه ..وبنفس الحشوه اعملي ورق عنب حامض وبرديه ......وحطي نوعين سلطه ..فتوش ..وسلطه روسيه بالمايونيز ..او تبوله ..او .فاصولياء... الخ..
والحلا حسب ذوقك مثلا مع الفطور الاول القيمات ...والفطور الثاني ..كنافه او تشيز كيك او بسبوسه .. سمبوسه جبن اوقشطه صغيره وحليها بالشيره او العسل .. وحلا التوفي حلا السنكرس ...والكريم كراميل ...الخ..
طبعا مع القهوه والتمر والعصائر ...
اتمنى اكون افدتك ولو بالقليل . ....
والله يوفقك وان شاء الله تبيضين وجه زوجك قدام ضيوفه .. ولاتنسين بالليل سوي المقبلات والحلا واي شي يتبرد ...واليوم الثاني خليه للوجبه الرئيسيه والتوزيع ...عشان ترتاحين وتنظمين وقتك ...

طريقة حلى موس الشامواه : مقادير( أ) 1ونصف كاس ماء +4ملاعق حليب بودره+2باكيت كارامل مقادير( ب)17حبه بسكوت شاي+علبه قشطه+1ملعقه متوسطه نسكافيه+10مغلفات كيك اليمامه(ممكن تزيد او تنقصي على حسب نوع الصينيه+3ملاعق شوكلاته بودره. طريقه:نجمع مقادير( أ)وتحرك وتوضع على النار حتى تغلى مع التحريك وتوضع ( ب)في الخلاط ويصب عليها ( أ)بعد غليها وتخلط جيدا ويفكك كيك اليمامه بحيث تكون كل طبقه على حده ثم تصف في الصينيه بحيث يكون الجزاء الخارجي من الكيك لاسفل تصب الخلطه من الخلاط على الكيك مباشرة وهو حار نقوم بنخل الشوكلاته البودره بواسطة منخل ناعم فوق سطح الخلطه ليكون كالشامواه وتترك 10دقائق دون تحريك حتى تتماسك ثم تدخل الثلاجه وبالعافيه.

شكرا لكم وجزاكم الله الف خير ويجعله في موازين حسناتكم ايوه كذا الواحد يعرف ايش يسوي لاني كنت مره محتاره وماني عارف ايش اسوي يعطيكم الف عافيه