عودتي زوجك على ايش تعالي شوفي ايش صار

بسم الله الرحمن الرحيم
مرحبا فراشات ,
طبعا كل وحده وواحد اول الزواج يحاول يعود الطرف الثاني على بعض الاشياء
زوجي اول الزواج كان يعلمي انه مايحب ينتظر في السيارة اذا جيتك على طول تنزلين
وانا ماكنت متعوده عند اهلي كان سواق ومتعوده اخذ راحتي,,كنت رعب اذا دق علي اراكض واجيب عباتي زي المجنونة وانزل بسرعه واهلي اشدعوة خليه يستناك دقيقة مو كذا,عشان بس مانتهاوش لانه بسرعه
يعصب من التأخير,
المهم.. مرة كنت بروح عند اهلي وكلمني قالي دقيقتين وانزلي بسرعه وكنت حامل بالشهر الثالث تقريبا وبسرعه زي المجنونة اراكض لانه نزل من دوامه عشان يوصلني ونازلة بالدرج الا اتزحلق واطيح على ظهري على حافة الدرج وقمت بسرعه من الخرعه لايدري اني طحت واول ماوقفت حسيت بدوخة واسحب الجوال تعال بسرعه طحت واغمي على ماصحيت الاعلى كفوف على وجهي وموية المهم قمت ورحنا المستشفى والحمد الله جات سليمة بس جلس ظهري مورم كم يوم ,,
الزبدة في الموضوع انه تغير صار يقولي لاتستعجلين شوي شوي
ومن يومها صار يطول باله شوي وينتظرني ولله الحمد ,,,,
كل وحدة تقولنا تجاربها ومواقفها وكيف تغير زوجها
وتحياتي للجميع