غذائك ياعروسه

1. بتقولون كيف


2. نسيت اهم شي الي هي


3. الغازيات والقهوه والشاي الاحمر

السلام عليكم
كيفكم حبيباتي
اليوم جبت لكم موضوع رهيب وجديد إن شاءالله يعجبكم
بس لوسمحتوا ابي تفاعلكم وآراكم
وموضوعي الكثير منا يجهله او مايعيره اهميه
الي هو غذاء العروس
فيه اشياء ممكن ناكلها واشياء لا
أكيد تقولون ليه لا
طبعا" لأن لها رايحه نفاثه وتمسك فيك وانتي ولاحاسه بشي ومو لازم تعرقين عشان تطلع ريحتها لا اهي بتطلع مع الحركه او مع النفس من الفم والانف او الافرازات والتعرق او من شعرك يعني من كل مكان فيه مسام
والي ودي نعرفه مع بعض وشو الاكل الممنوع للعروس
وكمان وشو الي بيمنع الريحه
انا بقول الي عندي والي عندها فكره عن الي يسبب الروايح او يمنعها تقول فكرتها
اتفقنا
الي ضروري نبتعد عنها اول شي الاندومي لان ريحتها قويه وتمسك فيك لمده طويله ممكن انتي ماتحسين الي معك وجنبك يشمونها فضروري نبتعد عنها مره
وكمان وشو
الحلبه..البهارات..الثوم..البصل..الكاري..
المقليات..المشويات..المكبوسات..السكريات..
الكاكاوات..
وبالبتعاد عن هذه الأشياء ممكن نقوم بتنقيه الجسم كامل من الاجزاء الداخليه الى الخارجيه

بتقولون كيف

المقليات.. ممكن تزيد وزنك غير انها بتضرك لان الزيت ممكن يمسك بشعرك ويصير مزيت والبشره والجسم نفس الشي غير ريحته الواضحه مر5
المشويات.. المكبوسات.. كلها بهارات وفلافل وزيوت ومع هذا كله وشلون نقدر نسوي تنقيه للجسم فعشان كذا حبيباتي لازم نبعد عن هالاشياء الي نحبها بس بتضرنا وبما اننا عرايس لازم نكمل تميزنا اما اننا ننقطع عنها او ناخذها بتوازن بدون افراط ومو كل يوم لا مره ف الاسبوع وتكون الكميه قليله بس قبل الزواج بشهر ضروري نقطعها تكتمل الاناقه فكل شي ونظهر بالمظهر اللايق ok
السكريات..الكاكاوات.. عشان الاسنان والفم لانها تسبب تعفن وايحة الفم القذره وكمان عشان البشره والحبوب الي ممكن تطلع فيها والوزن بيزيد وكمان هذي الاشياء فيها ماده بس ناسيه اسمها تجيب شوي ارق وقلق عند النوم زي مادة الكافيين الي ف الكوفي

نسيت اهم شي الي هي

الغازيات والقهوه والشاي الاحمر

طبعا" هذي خطر ممنوع الاقتراب خصوصا" الغازيات لان فيها الكافيين ونسبه من الكحول الي بتضرنا اكثر من نفعها تسبب ارق وقلق واعصاب مشدوده وكل هذا وش نتيجته قلة نوم سواد تحت العيون بشره مسمره مرهقه تعبانه حيل نفسيه زفت كل هذا احنا ف غنى عنه لاتقولون ابالغ بالعكس اجلسي فتره بسيطه بدون غازيات وتشوفين كيف تصيرين
طيب تعالو نشوف وش الاشياء الي بتفيدنا
اول شي لازم يكون اكلنا صحي عشان اشياء كثيره ومنها
بشره حلوه نعومه حلوه نضاره حلوه ريحه حلوه للجسم والفم <<<<<<<معلقه ع حلوه
الاكل الي بناكله
خطار مسلوق ف مويه وشوي ملح وشوي بهارات عشان الطعم مو كثير نقطه ok نقطه والماجي نبتعد عنه تماما"
الرز الاحمر ممنوع
بتقولون وش الرز الي ناكله
الرز الابيض الي مطبوخ ف مويه وملح بدون اي نقطة بهارات او ماجي او قطرة زيت
وكمان ناكل ونكثر من الفواكه لان الجسم محتاجها اولا" للفيتمينات الي تنقصنا والريحه الحلوه والبشره النضره والجسم الرطب
على فكره ترى الفةاكه لها دور كبير ف لون البشره والجسم
وش اكثر الفواكه اللي ممكن نستفيد منها
التفاح طبعا" بالقشره البرتقال الافندي الكيوي الكمثرى الجوافه الكرز والفراوله وطبعا" كلها تؤكل او تشرب عصير طازج انتي تسوينه فالبيت
وطبعا" ماننسى الي لها دور كبير ف التنقيه الي هي
الزبادي ضروري ومهم جدا" واللبن ماننساه ولي ماله من اهميه قصوى <<<<<< متعوب عليها ههه والحليب اهم المهم
والحين جاء دور الاشياء المهمه والضروريه والي لازم نكثر منها بس بأعتدال
شاي الزنجبيل وشاي النعناع والشاي الاخضر والقرفه
الاشياء هذي لها دور كبير ف امور كثيره منها الريحه والتنقيه وتنظيف الجسم من جوى والبطن والمعده <<<<<<<<<< ايش رايكم ف الشرح
وايش كمان لازم نكثر منه
الخضار بكل انواعه واهم شي الاخضر مثل الخس الجرجير والفجل والكر نب مو تروحون تاكلون بصل اخضر او كراث وتقولون خضار خ
بس بقولكم شغله قبل زواجك بأسبوعين بلاش من الخيار
واهو المهم ايضا" الماء ضروري مره وياريت يكون معدني اومضاف له شوي ماء ورد
وبكذا نكون نقبنا الجسم واستمتعنا بطله حلوه من كل الجوانب ف الجسم ريحته ونعومته ونضارته
والشعر جماله وتوازنه وصحته وريحته
والفم بياض اسنانك ونظافتها وريحتها الحلوه
وكمان راحت سعرات حراريه احنا مو محتاجينها
حبيباتي تعالو انا ما اقول موتو جوع كلوا بس بطريقه معتدله ومتوازنه
واي وحده عندها إضافات ياريت تتحفنا بها
ملاحظه: للأمانه انا الي كاتبه الموضوع ولا امانع انك تستفيدين وتفيدين غيرك مع مراعات تقديركم لجهدي على الاقل بكلمة منقول
محبتكم:
دندونه44